બે પોઝીટીવ કેસના પગલે અરવલ્લીના ગ્રામ્ય વિસ્તારોમાં માસ્ક ફરજીયાત

અરવલ્લી જિલ્લામાં બે કોરોના પોઝીટીવ કેસ મળી આવતા તંત્ર વધુ સાબદુ થયુ છે. જેમાં જિલ્લા વિકાસ અધિકારીએ માસ્ક અથવા રૂમાલ અથવા સ્વચ્છ કપડાંથી ફરજિયાત નાક અને મોઢુ ઢાંકવાનો આદેશ કર્યો છે.

અરવલ્લી : જિલ્લા વિકાસ અધિકારીએ જાહેરનામુ બહાર પાડયુ છે. જેમાં જિલ્લાના ગ્રામ્ય વિસ્તારોમાં લોકોએ ઘરની બહાર નીકળે ત્યારે માસ્ક અથવા રૂમાલ અથવા સ્વચ્છ કપડાંથી ફરજિયાત નાક અને મોઢુ ઢાંકવાનો આદેશ કર્યો છે. જેમાં વધુમાં જણાવ્યુ છે કે, આ અંગેનો અમલ તા. 20 એપ્રિલથી શરૂ થશે .

અરવલ્લી

જાહેરનામાંમાં નાક અને મોંઢુ ન ઢંકનાર સામે દંડ જોગવાઇ કરવામાં આવી છે. જેમાં માસ્ક ન પહેનાર વ્યક્તિને પ્રથમ 200 રૂપિયા અને પછી 500 રૂપિયાનો દંડ વસુલવામાં આવશે, તેવુ જણાવ્યું છે. આ અંગે અમલવારી માટે , ગ્રામ્ય વિસ્તારોમાં સરપંચ અને તલાટી કમ મંત્રીને જાહેરનામાનો સંપૂર્ણ અમલ થાય તેનું ધ્યાન રાખવાની તાકીદ કરી છે.

અરવલ્લી