- જિલ્લા બાળ સુરક્ષા અને શ્રમ વિભાગની કામગીરી
- બન્ને બાળકોને મજૂરીમાંથી મુક્ત કરાવીને ચિલ્ડ્રન હોમ ખાતે મોકલવામાં આવ્યા
- આલમપૂર ગામ નજીક બે બાળ મજૂરોને માલધારીઓના ચંગુલમાંથી છોડાવ્યાં
અરવલ્લીઃ અરવલ્લી જિલ્લા બાળ સુરક્ષા એકમની ટીમે દરોડા પાડીને મોડાસા તાલુકાના આલમપુર ગામ નજીક રહેતા હીરાભાઈ નાગજીભાઈ ભારવાડ નામમાં માલધારી પરિવારના ત્યાંથી મજૂરી કરતા બે બાળકોને મુક્ત કરાવ્યા હતા. જિલ્લા બાળ સુરક્ષા એકમની ટીમે ખાનગી બાતમીના આધારે કોલીખડ ગામની સીમમાં છાપો માર્યો હતો, જ્યાં મજૂરી કરતા બે બાળકોને મુક્ત કરાયા હતા. જેમાં એક 12 વર્ષનો છોકરો પાવાગઢ દેવરિયાનો વતની છે, જ્યારે બીજો 14 વર્ષનો છોકરો મહીસાગર જિલ્લાના ચકલીયા ગામનો વતની છે. બન્ને બાળકોને મજૂરીમાંથી મુક્ત કરાવીને ચિલ્ડ્રન હોમ ખાતે મોકલી આપવામાં આવ્યા છે અને મજૂરી કરાવનાર બે શખ્સો સામે મોડાસા ટાઉન પોલીસ મથકે મદદનીશ શ્રમ આયુક્ત દ્વારા પોલીસ ફરિયાદ કરવામાં આવી છે.
આ પણ વાંચોઃ સુરત બાદ અમદાવાદમાં 9 બાળમજૂરને કરાયા મુક્ત
ટાઉન પોલીસ સ્ટેશનમાં ફરીયાદ નોંધાઇ
મોડાસા ટાઉન પોલીસ સ્ટેશનમાં બાલસુરક્ષા અધિકારી પ્રજ્ઞેશસિંહ ચાવડાએ પોપટભાઈ નાથાભાઈ ભરવાડ અને હીરાભાઈ નાગજીભાઈ ભરવાડ વિરુદ્ધ બાળ અને તરુણ શ્રમિક અધિનિયમ,1986 અન્વયે ફોજદારી કાર્યવાહી માટે મોડાસા ટાઉન પોલીસ મથકે ફરિયાદ નોંધવામાં આવી છે.
આ અગાઉ બાળ તસ્કરીની ઘટના સામે આવી હતી
આ અગાઉ મોડાસાના ખંભીસરમાંથી પણ બાળ તસ્કરીની ઘટના સામે આવી હતી. જેમાં માલધારી સમાજે એક બાળકને સાત હજાર રુપિયામાં વેચાણથી લીધો હતો. અગમ ફાઉન્ડેશનનાં હેતલ પંડ્યાએ સગીરનૂ રેસ્ક્યૂ કરી જિલ્લા બાળ સુરક્ષાને જાણ કરી હતી. બાળક વેચાતું લીધા હોવાની વાત ઉજાગર થતાં અરવલ્લી જિલ્લા બાળ સુરક્ષા અને શ્રમ વિભાગ હવે હરકતમાં આવ્યુ છે.
આ પણ વાંચોઃ મહીસાગરમાં બાળ મજૂર પુનઃવસન કલ્યાણનિધિ સંચાલન સોસાયટીની યોજાઈ બેઠક
