રાજ્ય પોલીસવડા શિવાનંદ ઝાએ અરવલ્લી જિલ્લા પોલીસવડા મયુર પાટીલને નોટિસ ફટકારતા પોલીસબેડામાં ચકચાર મચી ગયો છે. રાજ્ય પોલીસ મહાનિર્દેશક અને મુખ્ય પોલીસ અધિકારી શિવાનંદ ઝાના આદેશના પગલે અરવલ્લી જિલ્લા પોલીસે ઠેર-ઠેર દેશી દારૂના ભઠ્ઠા પર રેડ કરી 98 કેસ કરવામાં આવ્યા હતા. જો કે, આ તમામ કેસમાંથી એકપણ ગણનાપાત્ર નથી તેમ નોટીસમાં જણાવવામાં આવ્યું છે. આ ઉપરાંત જુગારધારા હેઠળ કૅશ શોધવામાં નિષ્ફળ રહ્યા હોવાની ટિપ્પણી કરવામાં આવી છે.
અત્રે ઉલ્લેખનીય છે કે, જિલ્લામાં દેશી દારૂના રોજ કેસ કરવામાં આવતા હોવા છતાં નશાખોરોને રોજ દારૂ મળી રહે છે, તે જોતાં પોલીસની કામગીરી પર પણ પ્રશ્નો ઉભા થયા છે.
