મોડાસાનગરને કોરોના વાયરસમુક્ત કરવા માટે ફોગિંગ કરાયું

અરવલ્લી જિલ્લાના મોડાસામાં કોરોના કેસના પ્રમાણમાં વધારો થતા નગરપાલિકા દ્રારા ફોગિંગ કરવામાં આવ્યુ હતું. ફોગિંગ મશીન દ્વારા વિશેષ દવાનો છંટકાવ કરીને જાહેર માર્ગો તથા રોડને સેનિટાઇઝ કરવાની પ્રક્રિયા હાથ ધરી હતી. ચાર રસ્તાથી બસ સ્ટેશન વિસ્તારમાં ફોગિંગની કાર્યવાહી કરવામાં આવી હતી.

• મોડાસા કોરોના વાયરસમુક્ત કરવા માટે ફોગિંગ કરાયું
• દવાનો છંટકાવ કરીને જાહેર માર્ગો સેનિટાઇઝ કરાયાં
• મોડાસામાં કોરોનાનો આંક 272 પર પહોંચ્યો
• કોરોનાના વધતા સંક્રમણને ધ્યાનમાં રાખી પાલિકા દ્વારા ફોગિંગ

અરવલ્લીઃ અરવલ્લી જિલ્લાના મોડાસામાં કોરોનાના સંક્રમણને અટકાવવા નગરપાલિકા દ્વારા ફોગિંગની પ્રક્રિયા હાથ ધરવામાં આવી હતી. નગરપાલિકાના કર્મચારીઓ દ્વારા સાયકલ મારફતે મુખ્ય રસ્તાઓ તેમ જ નાની ગલીઓમાં ફોગિંગ કરવામાં આવ્યુ હતું. મોડાસાના ચાર રસ્તાથી બસ સ્ટેશન સુધીના તમામ વિસ્તારોમાં ફોગિંગ કરવામાં આવ્યું હતું.

નોંધનીય છે કે મોડાસામાં કોરોનાનો આંક 272 પર પહોંચ્યો છે જ્યારે મોડાસા નગરમાં 8 દર્દીઓ હાલ સારવાર હેઠળ છે. જ્યારે મોડાસા તાલુકામાં 138 વ્યક્તિઓ કોરોનાગ્રસ્ત થયાં છે.

તાલુકાનું નામ કેસની સંખ્યા એકટીવ દર્દી બાયડ ગ્રામ્ય 50 02 બાયડ શહેરી 14 00 ભીલોડા 46 03 મેઘરજ 34 02 ધનસુરા 67 02 માલપુર 25 01 મોડાસા ગ્રામ્ય 138 02 મોડાસા શહેરી 272 07 કુલ 646 19