મોડાસાઃ જિલ્લામાં ગત વર્ષે સારા વરસાદ થયો હોવાથી બટાકાનું બમ્પર ઉત્પાદન થયું હતું, જેથી ખેડૂતોમાં ખુશી છવાઇ હતી. જો કે કોરોના વાઇરસના કહેરને અટકાવવા માટે લોકડાઉન જાહેર થતા ખેડૂતોની આશા નિષ્ફળ નીવડી હતી. છેલ્લા બે માસથી બટાકા પડી રહ્યા છે, ત્યારે ખેડૂતો કોલ્ડ સ્ટોરેજનું ભાડું તેમજ જાળવણી ખર્ચ ભોગવી રહ્યા છે.
લોકડાઉનના પગલે બટાકાના ખેડૂતોને નુકસાન
અરવલ્લી જિલ્લાના 37 કોલ્ડ સ્ટોરેજમાં 39 લાખ 11 હજાર બટાકાના કટાનો સ્ટોક છે. જે હવે અનલોક-એકમાં મળેલ છૂટથી ધીમે-ધીમે બજારમાં વેચાણ માટે જઈ રહ્યો છે. પરંતું ઓછા ભાવે થઇ રહ્યો છે. કમોસમી વરસાદ કારણે ખેડૂતોને મગફળીમાં નુકસાન થયું હતું, હવે લોકડાઉનથી બટાકાના ભાવ ગગડતા જગતનો તાત નિરાશ થયો છે.
