અરવલ્લીમાં ફોરેસ્ટ ઓફિસરની બેદરકારી, બે દિવસથી રિવોલ્વર થઈ ગુમ

અરવલ્લી વનવિભાગ તંત્રના શામળાજી ખાતે ફરજ બજાવતા આરએફઓ પ્રિયાંક પટેલની બે દિવસ પહેલા રિવોલ્વર ગુમ થઈ છે. બે દિવસથી રિવોલ્વરની શોધખોળ ચાલુ હોવા છતાં ન મળતા શામળાજી પોલીસ સ્ટેશનમાં આ અંગે ફરિયાદ કરવામાં આવી હતી.

મોડાસાઃ અરવલ્લી વનવિભાગ તંત્રના શામળાજી ખાતે ફરજ બજાવતા આરએફઓ પ્રિયાંક પટેલની બે દિવસ પહેલા રિવોલ્વર ગુમ થઈ છે. બે દિવસથી રિવોલ્વરની શોધખોળ ચાલુ હોવા છતાં ન મળતા શામળાજી પોલીસ સ્ટેશનમાં આ અંગે ફરિયાદ કરવામાં આવી હતી.

અરવલ્લી જિલ્લાની સરહદ પર આવેલા રતનપુર ચેકપોસ્ટ નજીકથી વન વિભાગે સેન્ટ્રો કારમાંથી બે મૃતક કીડીખાઉ ઝડપી તસ્કરી રેકેટનો પર્દાફાશ કર્યો હતો. આ રેકેટને ઝડપી પાડનારા શામળાજી વનવિભાગ તંત્રના આરએફઓ અને તેમની ટીમ વધુ તપાસમાં હતી. આ મામલે વન વિભાગની ટીમ તપાસ માટે રાજસ્થાન પણ ગઈ હતી. તે દરમિયાન ખેરવાડા વિસ્તારમાં પ્રિયાંક પટેલની રિવોલ્વર ગુમ થઈ ગઈ હતી. જોકે તમામ જગ્યાએ શોધખોળ કરવા છતા રિવોલ્વર મળી ન હતી. બે દિવસની શોધખોળ બાદ પણ રિવોલ્વર ન મળતા શામળાજી પોલીસ સ્ટેશનમાં ફરિયાદ નોંધાવી હતી.