અરવલ્લીઃ જિલ્લાના બાયડ-માલપુરના ધારાસભ્ય જશુ પટેલે પોતાના મત વિસ્તારમાં રાજકિય કિન્નાખોરી રાખી વિકાસના કાર્યો અટકાવવામાં આવે છે, તેમજ વિકાસની ગ્રાન્ટમાં ભ્રષ્ટાચાર કરવામાં આવે છે, તેવા આક્ષેપ સાથે જિલ્લા કલેક્ટરને રજૂઆત કરવા ગયા હતા. જો કે, કલેક્ટરના જવાબથી સંતુષ્ટ ન થતા તેઓ કચેરીના દરવાજા આગળ શર્ટ કાઢી ધરણા બેસી ગયા હતા. ત્યારબાદ કોંગ્રેસના કાર્યકરો સાથે રામધુન બોલાવી હતી. પરંતુ કલેક્ટરના આદેશના પગલે તેમની અટકાયત કરવામાં આવી હતી.
કોંગ્રેસના ધારાસભ્ય જશુ પટેલે કલેકટર કચેરી બહાર શર્ટ કાઢી કર્યો વિરોધ
જો કે, જિલ્લા આયોજન અધિકારી સુરેન્દ્રસિંહ ભાટીએ તમામ આક્ષેપો નકાર્યા હતા અને પ્રભારી પ્રધાન તેમજ રાજ્ય સરકારના કાર્યો જણાવ્યા હતા. હાલ તો ધારાસભ્યના ભ્રષ્ટાચારના સીધા આક્ષેપોથી કલેક્ટર કચેરીમાં સોંપો પડી ગયો છે. હવે જોવું રહ્યું કે જિલ્લા વહિવટી તંત્ર આ અંગે શું કાર્યવાહી કરે છે.
