મોડાસામાં કારકિર્દી માર્ગદર્શન સેમિનાર યોજાયો

અરવલ્લી: હાલમાં ધોરણ 10 અને 12ની પરીક્ષા પુરી થઈ છે. ત્યારે વિદ્યાર્થીઓના મનમાં મુંઝવણ ચાલતી હોય છે કે, પરીક્ષા પછી કઈ ફેકલ્ટીમાં જવું અને કયો વિષય કે કોર્ષ પસંદ કરવો. આ દરેક પ્રશ્નોનું નિરાકરણ લાવવા માટે મોડાસા શહેર તથા હિંમતનગર શહેરમાં ગુજરાતના પ્રખ્યાત કારકિર્દી માર્ગદર્શક, નિષ્ણાત તેમજ વક્તા જરજીસ કાજી અશરફી ટેક્સ બુક રાઇટર તથા માસ્ટર ટ્રેઈનર મુખ્ય વક્તા તરીકે ઉપસ્થિત રહ્યાં હતા.

વિદ્યાર્થીઓને સંબોધતા તેમણે જણાવ્યું હતું કે, જીવનમાં ધ્યેય નક્કી કરી તેના પર પ્લાનિંગ કરી આગળ વધવું જોઈએ. ત્યારબાદ વિદ્યાર્થીઓના કરેલા પ્રશ્નોનું સચોટ રીતે જવાબ આપીને શિક્ષણક્ષેત્રે કઈ રીતે ધ્યેેય નક્કી કરીને આગળ વધવુ તેની સલાહ આપી હતી.

મોહદીષે આઝમ મિશન સેન્ટર કમિટીના સદસ્ય તારિક બાંડી અશરફીએ મોહદીષે મિશનનો ધ્યેય અને કામગીરી પર પ્રકાશ પાડતા જણાવ્યું હતું કે, મોહદીષે આઝમ મિશન દ્વારા અત્યાર સુધી 2985 ગરીબ દીકરીઓના લગ્ન કરાવી ચૂક્યું છે અને આ સિવાય માનવ જીવનને લગતા ક્ષેત્રોમાં કામ કરી રહ્યું છે.