મોડાસા ગ્રામ્ય પોલીસ સ્ટેશનમાં મધ્યરાત્રીએ લોકઅપમાં રહેલા કાલબેલિયા-જોગી ગેંગના બે તસ્કરો શૌચાલયની જાળી તોડી ફરાર થઇ ગયા હતા. જેમાંના એકને જૂન માસમાં સાબરકાંઠા એલ.સી.બી પોલીસે હિંમતનગરના મોતીપુરા વિસ્તારમાંથી ઝડપી પાડ્યો હતો. જ્યારે બીજા આરોપી મુકેશ ઉર્ફે કાલુ માંગીલાલ જોગીને અરવલ્લી જિલ્લા એલ.સી.બી ઝડપી પાડ્યો છે. બન્ને આરોપીઓ મૂળ રાજસ્થાનનાં રહેવાસી તેમજ વિચરતી જ્ઞાતિના છે. આવા લોકોને રહેવાનું ઘર પણ ન હોઇ તેમને પકડવા પોલીસ માટે પડકારજનક પ્રશ્ન હતો. જો કે, એલ.સી.બી પોલીસ સબ ઇન્સપેકટર કે.કે રાજપુત અને તેમની ટીમને આ આરોપી અંગે બાતમી મળતા મોડાસા બાયપાસ રોડ બાજકોટ મંદિર નીચે ઘેરો નાખી પકડી લીધો હતો.
અરવલ્લી એલ.સી.બીએ કાલબેલિયા-જોગી ગેંગના ફરાર આરોપીને ઝડપી પાડ્યો
