ભુવાલ ગામના લક્ષ્મણ સવા ડામોર પોતાનુ નવીન ઘર બનાવવા લાકડાની વડીઓ લાવ્યા હતા. જેમાં કેટલીક વડીઓ ચોરાઈ ગઈ હતી. જે અંગે લક્ષ્મણ સવા ડામોર સહિતના કેટલાંક લોકોએ પૂર્વગ્રહ રાખી બદઈરાદો પૂરો કરવા બુધવાર રાત્રે એકજૂથ થઈ હાથમાં લાકડીઓ અને કુહાડીઓથી ભેમાભાઈ ડામોર સાથે ઝઘડો કર્યો હતો. જેમાં 32 વર્ષીય ભીખાભાઈ ડામોરને કુહાડીની મુદર અને લાકડીથી માર મારતાં તેનું ઘટનાસ્થળે મોત થયું હતું. જ્યારે મણીબેન ડામોર અને હીરાબેન ડામોરને પણ કુહાડી અને લાકડીઓથી માર મારતા તેમને ગંભીર ઈજા થઈ હતી.
મેઘરજના ગામમાં નજીવી બાબતમાં યુવકની હત્યા થતાં ચકચાર
આ ઘટના અંગે મણીબેન ડામોરો મેઘરજ પોલીસ મથકે ફરિયાદ નોંધાવતા મેઘરજ પોલીસ સ્ટેશનના IP એન.કે.રબારીએ હત્યા અને હુમલા અંગેની ફરિયાદ નોંધી હતી. ત્યારબાદ પાંચેય આરોપીઓની ગુરૂવાર સાંજે પાંચ કલાકે ધરપકડ કરી હતી. તેમજ આરોપી વિરૂદ્ધ હત્યાનો ગુનો નોંધી આગળની તપાસ હાથ ધરી હતી.
