અરવલ્લીઃ ભિલોડા તાલુકાના બુઢેલી ગામે બે વર્ષીય માસુમ બાળક રમતા-રમતા ઘર આગળ પડેલી કારમાં પુરાઈ જતા ગૂંગળાઈ ગયુ હતું.બાળક કારમાં બેભાન હાલતમાં જોવા મળતા જ માતા-પિતા તાત્કાલીક સારવાર માટે હોસ્પિટલમાં લઇ ગયા હતા જો કે, ફરજ પરના તબીબે મૃત ઘોષિત કરતા પરિવારજનોમાં ભારે ગમગીન છવાઇ હતી.
એવુ અનુમાન લગાવામાં આવ્યુ છે. બાળક કારમાં એકવાર જતા રહ્યા પછી કારના દરવાજા ઓટમેટીક બંધ થઇ ગયા અને દરવાજો કઈ રીતે ખોલવો તેની ખબર ન પડતાં તે ગાડીની અંદર જ પૂરાઈ ગયો હતો. આ સમય દરમિયાન કોઇ એ તેને જોયો નહિ અને આકરી ગરમીમાં કારની અંદર ગૂંગળાઈ જવાના કારણે તેનું કરુણ મોત થયું છે.
