બાઈક ચાલકના શરીરે ગંભીર ઈજાઓ પહોંચતા સારવાર અર્થે વાત્રક હોસ્પિટલમાં ખસેડાયો હતો. અકસ્માતના પગલે દોડી આવેલી ધનસુરા પોલીસે મૃતકની લાશને પોસ્ટમોર્ટમ માટે મોકલી કયદેસરની કાર્યવાહી હાથ ધરી હતી. ખેડા જિલ્લાના ઉમરેઠ ગામના ઘનશ્યામ કાછીયા અને નટવર કાછીયા બાઈક લઈ ધનસુરા સામાજિક પ્રસંગમાં હાજરી આપવા અને સંબધીને મળવા આવતા હતા.
બાયડ તરફથી આવતા ટ્રકના ચાલકે પાછળથી ગફલતભરી રીતે હંકારી બાઈકને જોરદાર ટક્કર મારતા બાઈક પાછળ બેઠેલા 66 વર્ષના નટવર કાછીયાનું ઘટનાસ્થળે કમકમાટીભર્યુ મૃત્યુ થયુ હતું. પોલીસે અકસ્માત સર્જી ઘટનાસ્થળે ટ્રક મૂકી ફરાર ટ્રકચાલક વિરુદ્ધ અકસ્માતે મૃત્યુનો ગુનો નોંધી આરોપીને ઝડપી પાડવા ચક્રો ગતિમાન કર્યા છે .
