પ્રાપ્ત વિગતો અનુસાર, આ રેડમાં વિદ્યાનગર પોલીસને મોટી સફળતા હાથ લાગી છે. બાકરોલ કોલોની વિસ્તારમાં રહેતો સુલેમાન રશુલ વ્હોરા જેની ઉમર 67 વર્ષ છે. જેના ગોળ કોલોની સ્થિત મકાનમાં દાદરા નીચેથી મોટી માત્રામાં નશીલા પદાર્થ અફીણનો જથ્થો મળી આવ્યો હોવાનું સામે આવ્યું હતું. સમગ્ર પોલીસ બેડાંમાં ખળભળાટ મચી જવા પામ્યો હતો.
બારકોલમાંથી અફીણ ઝડપાયું, વિદ્યાનગર પોલીસે કરી સફળ રેડ
પોલીસ દ્વારા અંદાજીત 9 કલાક સુધી સર્ચ ઓપરેશન હાથ ધરવામાં આવ્યું હતું. જેમાં કુલ 1 કિલો અને 920 ગ્રામ અફીણનો જથ્થો મળી આવ્યો છે. પોલીસે 28000નું અફીણ, મોબાઈલ અને રોકડ રકમ મળીને કુલ 36000નો મુદ્દામાલ કબ્જે કરી આગળની કાર્યવાહી હાથ ધરી છે. પોલીસ દ્વારા સમગ્ર મામલે પ્રોહીબુશન અને નારકોટેર્ક્સનો ગુનો દાખલ કરી વધુ તપાસ હાથ ધરવામાં આવી છે.
