આણંદઃ દેશના પૂર્વ રાષ્ટ્રપતિ પ્રણવ મુખર્જીનું આજે સોમવારના રોજ 84 વર્ષની વયે નિધન થયું છે.
પૂર્વ રાષ્ટ્રપતિ પ્રણવ મુખર્જીએ વર્ષ 1992માં તેઓ આણંદ જિલ્લામાં આવેલી ઇન્ડિયન ઇન્સ્ટિટયૂટ ફોર રૂરલ (IRMA) મેનેજમેન્ટની 11મી બેચના દિક્ષાન્ત સમારંભમાં હાજરી આપી હતી. તે સમયે પ્રણવ મુખર્જી દેશના પ્લાનિંગ કમિશનના ચેરમેન પદે સેવા આપી રહ્યા હતા.
તે દિવસને યાદ કરતા IRMAના ડાયરેક્ટર હિતેશ ભટ્ટે ETV BHARAT સાથે તે સમયની યાદો તાજી કરી હતી.
તેમણે જણાવ્યું હતું કે, પ્રણવ મુખર્જી ખૂબ જ સરળ અને નિખાલસ સ્વભાવના વ્યક્તિ હતા. તેમની ખોટ દેશમાં કાયમ રહેશે.
વધુમાં તેમણે જણાવ્યું કે, એપ્રિલ 1992માં તેઓ IRMAના 11માં દિક્ષાન્ત સમારંભમાં મુખ્ય અતિથિ તરીખે ઉપસ્થિત રહ્યા હતા.
પૂર્વ રાષ્ટ્રપતિ પ્રણવ મુખર્જી વર્ષ 1992માં બન્યા હતા આણંદના મહેમાન
