ચરોતરના પ્રખ્યાત એવા ધર્મજમાં 14મા ધર્મજ-ડેની ઉત્સાહભેર ઉજવણી કરવામાં આવી હતી. મોટી સંખ્યામાં વિદેશમાં વસતા ગ્રામજનો તથા સ્થાનિકોની ઉપસ્થિતિમાં લંડનના રહેવાસી તૃપ્તિબેન પટેલને આ વર્ષે ધર્મજ રત્નથી સન્માનિત કરવામાં આવ્યા હતા. તૃપ્તિબેન લંડનમાં 40 વર્ષથી હિન્દુ ફોરમના અધ્યક્ષ તરીકે ફરજ બજાવે છે. જેઓએ વિદેશની ધરતી પર રહેતા હોવા, છતાં દેશમાં કન્યા કેળવણી માટે જાગૃતા લાવવા ઉમદા કાર્યો કરતા રહે છે. તેઓની આ કન્યા કેળવણી માટે તેમના તરફથી કરવામાં આવતી સેવાને ધ્યાનમાં રાખીને તેમને ધર્મજ રત્ન એવોર્ડથી સન્માનિત કરવામાં આવ્યા હતા.
ધર્મજ-ડે તેમની અલગ વિચારવાની ક્ષમતાને લઇ સમગ્ર વિશ્વમાં પ્રસરેલા ધર્મજ વાસીઓ માટે છે. સોમવારે ધર્મજ-ડે નિમિત્તે ડિજિટલ વંશાવલીનું લોકાર્પણ ધર્મજવાસીઓએ કર્યું હતું. આ વંશાવલીમાં ગામના દીકરાઓ સહિત દીકરીઓ અને પુત્રવધૂઓને પણ સ્થાન આપવામાં આવ્યું છે. સમાજમાં દીકરીઓને પુરૂષ સમોવડી બનાવવા માટે જે પ્રયત્નો કરવામાં આવે છે, તેને પ્રોત્સાહન આપવા માટે ધર્મજવાસીઓ દ્વારા ડિજિટલ વંશાવલીમાં ગામની દીકરીઓ અને પુત્રવધૂને પણ સ્થાન આપી એક સમાજમાં ઉમદા ઉદાહરણ પુરૂ આપતાં કાર્ય કરવામાં આવ્યું છે. ધર્મજવાસીઓની માન્યતા છે કે, સમગ્ર વિશ્વમાં આ પ્રથમ ઘટના હશે કે, કોઈપણ વંશાવલીમાં પુત્રીઓ અને પુત્રવધૂઓનો સમાવેશ કરી તેમના નામની નોંધણી કરવામાં આવી હોય.
