આંકલાવ તાલુકાના ખડોલ ગામના છ વ્યક્તિઓનું આ ઘટનામાં મૃત્યુ થયું છે. જેથી સમગ્ર ગામ અને જિલ્લામાં ગમગીની ભર્યુ વાતાવરણ છવાઈ ગયું છે. નવરાત્રીના તહેવાર દરમિયાન બનેલી આ ઘટનાએ સમગ્ર જિલ્લાને હચમચાવી દીધો છે.
અંબાજી કરૂણાંતિકાઃ મૃતક પરિવારોને સરકારે આપી ૪ લાખની સહાય
ગુજરાત પ્રદેશ કોંગ્રેસ પ્રમુખ અમિત ચાવડાએ પરિવારને સાંત્વના પાઠવી હતી. સાથે જ સરકારને ભોગ બનનાર વ્યક્તિઓને સરકારી સહાય આપવા અપીલ કરી હતી. આણંદ જિલ્લા કલેકટર દિલીપ રાણાએ પણ તંત્ર દ્વારા પરિવારને તમામ પ્રકારની મદદ પહોંચાડવા અને સરકારની મળવાપાત્ર સહાય કરવાનું વચન આપ્યું હતું. તેમજ મૃતકોની આત્માને શાંતિ મળે અને પરિવારને આ દુઃખદ સમયમાં ભગવાન હિંમત આપે તે માટે પ્રાર્થના કરી હતી.
