આણંદ: પેટલાદ શહેરના બોડીકુઈ વિસ્તારમાં રહેતી 25 વર્ષીય પરિણીતા બે સંતાનોની માતા છે. જેને થોડા સમય પહેલા પૈસાની જરૂરત પડતાં નજીકમાં જ રહેતા કૌટુંબિક દિયર સંજયભાઈ પ્રભાતભાઈ તળપદા પાસેથી 8 હજાર ઉછીના લીધા હતા. તે પણ થોડા-થોડા કરીને પરત કરી દીધા હતા. આ ઉછીના વ્યવહારને લઈને બોલવા-ચાલવાના સંબંધો વિકસ્યા હતા. તે દરમિયાન સંજયે તેણીને પ્રેમસંબંધ બાંધવા માટે દબાણ શરૂ કર્યું હતું.
આવા સંજાગોમાં સંજયની પત્ની શકુબેન તેણીના પિયર ભવાનીપુરા હતી. તેણીએ પરિણીતાને ફોન કરીને સંજયને ફોન કરવાનું જણાવ્યું હતુ, પરંતુ પરિણીતાએ ના પાડી દેતા સંજય ચપ્પુ લઈને તેણીના ઘરમાં ઘુસી ગયો હતો અને મારવા જતાં તેણીને ઘરે આવેલા બે પડોશીઓએ વચ્ચે પડીને પરિણીતોને બચાવી લીધી હતી.
આમ, એકદમ જ થયેલા હુમલાથી પરિણીતા ડઘાઈ ગઈ હતી. બાદમાં તેણીએ જૂ મારવાની દવા પી લીધી હતી. જેથી તેણીને તુરંત જ સારવાર માટે હોસ્પિટલમાં લઈ જવામાં આવી હતી.
