આ ખેડૂત કરે છે ઠળિયા વગરના જાંબુનું અનોખું વાવેતર, જાણો કેવી રીતે

અમરેલીઃ આજનો માનવી ધારે તે કરી શકે છે. મનમાં વિચાર આવતાની સાથે જ માનવી કોઈ નિર્યણ કરે તો તે ધારે તેવી સફળતા પ્રાપ્ત કરી શકે છે. એવી જ એક અનોખી વાત કરીએ દિતલા ગામે રહેતા હરેશભાઇ ઝાલાની. હરેશભાઇ અમરેલી જિલ્લામા એક પ્રગતિશિલ ખેડુત તરીકેની છાપ ઘરાવે છે. હરેશભાઇએ પોતાની વાડીમા ઠળીયા વગરના જાંબુ વાવ્યા છે અને ક્દમા પણ મોટા છે અને વર્ષે કમાણી પણ સારી કરે છે.

દિતલા ગામના લોકો પણ તેમના સગાને ત્યાં જાય ત્યારે જરુરથી હરેશભાઇ પાસેથી જાંબુ લેતા જાય છે, તેમજ અન્ય લોકોને પણ આપે છે. હરેશભાઇના સિડલેસ જાંબુ વેપારીઓ રાજકોટ, કલકતા અને મુંબઇ વગેરે શહેરોમાં લઈ જાય છે. આ જાંબુ અનેક રીતે ઔષધીમાં પણ કામ આવે છે. હરેશભાઇ પાસેથી નામી અનામી કંપનીઓ પણ આ જાંબુ લઇ જાય છે અને ઔષધીમાં ઉપયોગ પણ કરે છે. આ જાંબુ કદમાં પણ મોટા જોવા મળે છે. આ ઉપરાંત જાંબુની ખેતી કઇ રીતે કરવી તે જાણવા પણ બહારથી ખેડુતો આવે છે અને હરેશભાઇ દરેકને આ ઠળીયા વગરના જાંબુની ખેતી કઇ રીતે કરવી તેની યોગ્ય માહીતી આપે છે.