જિલ્લામાં હિંસક પ્રાણીઓ હાહાકાર મચાવી રહ્યા છે. જેમાં જિલ્લાના બગસરામાં માનવ ભક્ષી બનેલા દીપડાનો ત્રાસ હજુ ઓસર્યો નથી, ત્યાં ધારીમાં એક સિંહ હિંસક બનીને ખેત મજુરનો શિકાર કરતા ખેડૂતોમાં ચિંતા વ્યાપી ગઈ છે.
અમરેલીમાં સિંહે મચાવ્યો હાહાકાર
ધારી તાલુકાના દલખાણીયા રેંજમાં આવેલા ડાભારી ગામનો ખેત મજૂર આજે વહેલી સવારે કુદરતી હાજતે ગયો હતો, ત્યાં સિંહે મજૂર પર હુમલો કરતાં ખેત મજુરનું કમકમાટી ભર્યું મોત નીપજયું હતું. આ ઘટનામાં સિંહને પાંજરે પુરવામાં વનવિભાગને સફળતા મળી છે. આ સમગ્ર ઘટનાને લઈને વનવિભાગનો સ્ટાફ ઘટના સ્થળે જઇને ખેત મજૂરના મૃતદેહને ધારી સિવિલ હોસ્પિટલ ખાતે ખસેડવામાં આવ્યો છે. અમરેલી જિલ્લામાં દીપડા બાદ હવે સિહો પણ હિંસક બનતા ગામલોકોમાં ફફડાટ જોવા મળી રહ્યો છે.
