અમરેલીઃ અમરેલી જિલ્લામાં બપોર બાદ અચાનક વાતાવરણમાં પલટો જોવા મળ્યો હતો. અમરેલી જિલ્લાના તાલુકાના ગ્રામ્ય વિસ્તારોમાં કમોસમી વરસાદ ખાબક્યો હતો. ખાંભાની ગીર બોર્ડર પરના ગામડાઓ નાનુડી, ઉમરીયા, તતાણીયા, લાસા, ગિદરડી સહિતના ગામોમાં કમોસમી વરસાદ પડ્યો હતો.
વરસાદ શરૂ થતાં ખેડૂતોમાં ચિંતાના વાદળો ઘેરાયા છે. ચોમાસામાં દિવાળી પર તૈયાર પાક ઉપર વરસાદી નુકસાનથી ખેડૂત બહાર નથી નીકળ્યા ત્યાં વધુ એક વાર વરસાદ વિઘ્ન બન્યો છે. હાલ ખેડૂતોના ખેતરોમાં ડુંગળી, તલ,બાજરી જેવા પાકો તૈયાર થયેલા હોઈ તેના પર વરસાદ પડતાં ખેડૂતોમાં ચિંતા વધી છે. એક તરફ કોરોના તો બીજી તરફ કમોસમી વરસાદ ખેડૂતો જાય તો જાય ક્યાં?
