સાઉથ ઈસ્ટ રાજસ્થાન અને મધ્યપ્રદેશ પર સાઈક્લોનિક સર્ક્યુલેશન સર્જાયું છે. જેને પગલે ગુજરાતના ભરૂચ, વલસાડ, નવસારી, દમણ, દાદરા નગર હવેલી, રાજકોટ, દ્વારકા, ગીર સોમનાથ, ભાવનગરમાં માવઠાની શક્યતા છે. હવામાન વિભાગના કહેવા મુજબ વરસાદ હળવો થશે. તેની સાથે ઠંડીમાં સામાન્ય ઘટાડો થશે.
ગુજરાતમાં કાતિલ ઠંડી સાથે માવઠાની હવામાન વિભાગની આગાહી
ગુજરાતમાં છેલ્લા પાંચ દિવસથી કાતિલ ઠંડી પડી રહી છે. લઘુત્તમ તાપમાનમાં ઘટાડા સાથે મહત્તમ તાપમાનમાં પણ નોંધપાત્ર ઘટાડો થયો છે. ઠંડા પવનો સાથે સોમવારે નલીયા ,6.0 ડિગ્રી તાપમાન સાથે સૌથી વધુ ઠંડુ રહ્યું હતું. ગાંધીનગર 10.8 ડિગ્રીમાં ઠૂઠવાયું હતું. તેમજ ગુજરાતના અન્ય શહેરોના લઘુત્તમ તાપમાનમાં ઘટાડો થયો છે.
ગુજરાતના અગ્રણી શહેરોમાં લઘુત્તમ તાપમાન
| તાપમાન | ડિગ્રી |
| રાજકોટ | 8.3 ડિગ્રી |
| ડીસા | 8.7 ડિગ્રી |
| કંડલા | 9.0 ડિગ્રી |
| પોરબંદર | 9.0 ડિગ્રી |
| સુરેન્દ્રનગર | 10 ડિગ્રી |
| ગાંધીનગર | 10.8 ડિગ્રી |
| ભાવનગર | 12.0 ડિગ્રી |
| અમદાવાદ | 12.5 ડિગ્રી |
| વલ્લભવિદ્યાનગર | 12.3 ડિગ્રી |
| વડોદરા | 13.2 ડિગ્રી |
| સૂરત | 13.8 ડિગ્રી |
| નલીયા | 6.0 ડિગ્રી |
