અમદાવાદમાં ફાયનાન્સ કંપનીના મેનેજર 2 કરોડની ચોરી કરી ફરાર

અમદાવાદઃ શહેરના મેઘાણીનગર વિસ્તારમાં ફાયનાન્સ કંપનીમાં કામ કરતા મેનેજરે કંપનીમાં 2 કરોડથી વધુના દાગીના તથા રોકડ રકમની ચોરી કરી છે. આ મામલે મેઘણીનગર પોલીસે ગુનો નોંધી વધુ તપાસ શરૂ કરી છે સાથે જ ક્રાઈમ બ્રાંચ તપાસમાં જોડાયું છે.

મેઘાણીનગર ચાલતી કોસામટ્ટમ ફાયનાન્સ કંપનીમાં સોના સામે લોકોને નાણા ધિરાણ આપવામાં આવે છે. ત્યારે ફાયનાન્સ કંપનીમાં કામ કરનાર મેનેજર અમીધર બારોટે મોકો જોઇને 2.30 કરોડના દાગીના અને ૨ લાખથી વધુની રોકડ રકમ લઈ ફરાર થઇ ગયો છે.

સ્પોટ ફોટો

કંપનીમાં કામ કરતા કર્મચારીઓને આ મામલે બીજા દિવસે જાણ થતા મેનેજરને ફોન કર્યો હતો, પરંતુ ફોન બંધ આવતા હેડ ઓફિસમાં આ અંગે જાણ કરી હતી. જેથી કંપનીએ આ મુદ્દે મેનેજર વિરુદ્ધ મેઘાણીનગર પોલીસમાં ફરિયાદ નોંધાવી છે. જેની વધુ તપાસ મેઘાણીનગર પોલીસ અને ક્રાઈમ બ્રાંચ સાથે મળીને કરી રહ્યા છે.