હાઇકોર્ટે બનાસકાંઠાના હત્યાના કેસમાં પુરાવાના અભાવે આરોપીઓને સજા મુક્ત કર્યા

અમદાવાદઃ બનાસકાંઠામાં થયેલી હત્યાના કેસમાં પુરાવાના અભાવે આરોપીઓને આજીવન કેદની સજાથી મુક્ત કરવામા આવ્યો છે. આરોપીએ પત્ની પર ખોટી નજર રાખતાં હોની શંકાએ હત્યા કરી હોવાનું પોલીસ તપાસમાં નોંધાયું છે. જેને આધારે આરોપીઓને સેન્સન કોર્ટ દ્વારા આજીવન કેદની સજા ફટકારવામાં આવી હતી. ત્યારબાદ આરોપીએ આ કેસની અપીલ હાઇકોર્ટમાં કરી હતી. જેમાં હાઇકોર્ટને પુરાવાનો અભાવ લાગતાં આરોપીઓને સજામાંથી મુક્ત કરવામાં આવ્યા છે.

બનાસકાંઠાના ચાલદારા ગામ પાસે કોથળામાં કપાયેલી અવસ્થામાં ભાવેશ ઠાકોર નામના યુવાનનો મૃતદેહ મળી આવ્યો હતો. ત્યારબાદ ભાભોર પોલીસ મથક દ્વારા ફરિયાદ નોંધી તપાસ હાથ ધરવામાં આવી હતી. જેમાં મૃતક ભાવેશ ઠાકોર આરોપીની પત્ની સોનલ ઠાકોર પર ખોટી નજર રાખતો હતો. જેથી તેના પતિ એટલે મુખ્ય આરોપી રમેશ ઠાકોરને જાણ થતાં અન્ય આરોપી સાથે મળીને હત્યા કરી હોવાનું જાણવા મળ્યું હતુ. આ કેસમાં બનાસકાંઠા સેસન્સ કોર્ટ દ્વારા બંને આરોપીને આજીવન કેદની સજા ફટકારવામાં આવી હતી પરંતુ, પુરાવવાના અભાવ અને સાક્ષીઓના પલટી જવાના કારણે ગુજરાત હાઈકોર્ટે સજા રદ કરી આરોપીઓને સજા મુક્ત કર્યા છે.

આરોપી યોગેન્દ્ર ઠાકોર અને સોનલ ઠાકોરે વર્ષ 2018માં બનાસકાંઠા કોર્ટ દ્વારા આપવામાં આવેલા ચુકાદાને હાઈકોર્ટમાં પડકાર્યો હતો. જેમાં દાવો કરવામાં આવ્યો હતો કે, કોર્ટે તમામ પાસાઓને ધ્યાને લીધા વગર જ ચુકાદો આપી દીધો છે.

હાઈકોર્ટે ચુકાદા દરમિયાન કેસના તપાસ અધિકારી PSI રાજેશભાઇએ તપાસ દરમિયાનના નિવેદનમાં જણાવ્યું હતું કે, પંચનામુ બનાવવાના એક દિવસ પહેલાં તેમણે હત્યાના સ્થળની મુલાકાત લીધી હતી. જેને આધાર રાખીને કોર્ટે ચુકાદો બદલ્યો હતો. હાઈકોર્ટમાં અરજદાર એટલે કે આરોપીઓના વકીલ યોગેનદ્ર ઠાકોરે દલીલ કરી હતી કે, બનાસકાંઠા સેસન્સ કોર્ટ દ્વારા જે સજા ફટકારવામાં આવી છે, તેમાં સાક્ષીઓ અને પંચાનામાનો મેળ બેસતો નથી. તેમજ પોલીસ દ્વારા હત્યામાં જે હથિયાર ઉપયોગ કરાયો છે તેમાં પણ લોહીના ડાઘા ન હોવાની દલીલ કરી હતી. જેના કારણે પોલીસની કામગીરી પર પ્રશ્નો થયા હતા.

આરોપી રમેશ ઠાકોરની ગાડીમાં મૃતકને લઈ જવામાં આવ્યો હતો. તેમ છતાં પોલીસ દ્વારા તે ગાડીને કબ્જે કરવામાં આવી નથી. તેથી કેટલીક હદ સુધી આ કેસમાં આરોપીઓ સંકળાયેલા હોય એમ પુરવાર થતું નથી. ત્યારે સરકારી વકીલ એચ.કે પટેલે હાઈકોર્ટમાં દલીલ કરી હતી કે,આરોપીઓ વિરૂધ પુરતા પુરાવવા અને સંડોવણી અંગેની વિગતો છે. જેથી બનાસકાંઠા સેસન્સ કોર્ટ દ્વારા જે ચુકાદો આપવામાં આવ્યો છે તેમાં કોઈ જ પ્રકારનો ફેરફાર કરવાની જરૂર લાગતી નથી.

આમ, હત્યાના આ કેસમાં બંને પક્ષો દ્વારા ચોટદાર દલીલો કરવામાં આવી હતી. તેમ છતાં આરોપીને ગુનેગાર કરતો એક પણ ચોક્કસ પુરાવો જોવા મળ્યો નહોતો. બીજી તરફ તપાસ અધિકારી દ્વારા બધુ જ વિગતો પુરવાર કરાઇ હતી કે, આરોપીએ લોહીના ડાઘના પુરાવા નષ્ટ કરવાં અને ગોબરનો ઉપયોગ કરાયા હોવાની વાતનો સ્વીકાર કર્યો હોવાનું જવાવ્યું હતુ. તેમ છતાં આરોપી પર હત્યાનો આરોપ સાબિત થતો ન હતો. જેથી હાઇકોર્ટે તેને આરોપીઓને આજીવનકેદની સજામાંથી મુક્ત કર્યા છે.