દેશભરમાં લોકો ચૂંટણીના પરિણામો જાણવા માટે 23મેની રાહ જોઈ રહ્યા છે. તે વચ્ચે ફિલ્મના મુખ્ય કલાકાર વિવેક ઓબરોયે PM નરેન્દ્ર મોદીના પ્રીમિયરને લઈને અમદાવાદીઓને પોતાની તરફ ખેંચ્યા હતા. આ ફિલ્મ વિશે રાજ્યના મુખ્યપ્રધાન વિજય રૂપાણીએ કહ્યું હતું કે, “આ ફિલ્મ બહુ મોડી રિલીઝ થઇ રહી છે, પણ ચૂંટણીના રીઝલ્ટ પછી આ ફિલ્મને જોઈને લોકોને વધારે મજા પડશે. વધુમાં તેમણે કહ્યું કે, આ ફિલ્મ ખુબ જ સરસ રીતે બનાવામાં આવી છે અને ફિલ્મના બધા કલાકારોએ ખુબ સારી ભૂમિકા ભજવી છે.”
વિવેક ઓબેરોયએ જણાવ્યું કે, “આ ફિલ્મના શૂટિંગ દરમિયાન ખુબ જ મજા આવી હતી. ગુજરાતના લોકોએ અમને ખૂબ જ સાથ આપ્યો છે. આ ફિલ્મ મારી કારકિર્દીની મહત્વની ફિલ્મ છે કારણ કે, મને તેમાં નરેન્દ્ર મોદીની ભૂમિકા ભજવવા મળી છે.”
