20 જુલાઈએ કૌશલ ભટ્ટ અને જીગર સોલંકી નામના બંને કોન્સ્ટેબલ સ્યુસાઇડ નોટ લખીને ગુમ થઈ ગયા હતા. જેમાં બંને જણાએ PI, ACP અને અન્ય પોલીસકર્મીઓ સામે આક્ષેપ કર્યા હતા. આ દરમિયાન જ એક અરજદારે બંને વિરુદ્ધ 2 લાખનો તોડ કર્યાની અરજી કરી હતી. આ અંગે પોલીસે બંને કોન્સ્ટેબલ વિરુદ્ધ ફરિયાદ પણ નોંધી હતી.
નવરંગપુરાના બંને કોન્સ્ટેબલની પોલીસે કરી ધરપકડ
પોલીસે બંને કોન્સ્ટેબલે કરેલી અરજી અંગે પણ તપાસ શરૂ કરી છે. બંને કોન્સ્ટેબલ પોતે તોડ કરેલી વાતને સ્વીકારતા નથી. જ્યારે પોલીસ પાસે બંને કોન્સ્ટેબલના CCTV ફૂટેજ પણ છે. પોલીસ હવે આગળની તપાસ કોલ ડિટેલ્સ અને અન્ય પુરાવાના આધારે હાથ ધરશે. પોલીસ જીગરને કોર્ટમાં હાજર કરી આગળની કાર્યવાહી હાથ ધરી છે.
