આ બેઠક બાદ પ્રદેશ પ્રવક્તા ભરત પંડ્યાએ જણાવ્યું હતું કે, આ બેઠક પ્રદેશ પ્રમુખ જીતુ વાઘાણીની અધ્યક્ષતામાં યોજાઈ હતી. જેમાં પક્ષ અને સરકારના આગામી કાર્યક્રમોને લઈને ચર્ચા કરવામાં આવી હતી. જેમાં મહત્વની એવી જૂનાગઢ મહાનગરપાલિકાની ચૂંટણી અને 15 નગરપાલિકાની ચૂંટણીની તૈયારીઓની ચર્ચા વિચારણા કરવામાં આવી હતી. તો આ સાથે 5 જુન વિશ્વ પર્યાવરણ દિવસની ઉજવણીને લઈને ભાજપ દ્વારા તૈયારીને ભાગ રૂપે ચર્ચા કરાઇ હતી.
13 થી 15 જુન શાળા પ્રવેશોત્સવમાં પણ ભાજપ ભાગ લેશે અને 21 જુન વિશ્વ યોગ દિવસની સફળ બનાવવા આયોજન પણ કરવામાં આવ્યું છે. 23 જુને શ્યામાપ્રસાદ મુખર્જીની પુણ્યતિથિ હોવાથી કાર્યક્રમો યોજવાની સાથે 25 જુને કટોકટી દિવસના વિરોધમાં કેવા કાર્યક્રમો કરવા તે અંગે પણ ચર્ચા કરવામાં આવી હતી.