અમદાવાદ: લો ગાર્ડન હેપ્પી સ્ટ્રીટના જુના લારી ગલ્લાના વેપારીઓએ વિરોધ કર્યો

અમદાવાદની ઓળખ સમાન લો ગાર્ડનનું આ ખાણીપીણી બજાર 45 વર્ષથી પણ જૂનું છે. મોટી સંખ્યામાં અમદાવાદીઓ લૉ ગાર્ડન ફરવા આવે છે, ત્યારે અહીં ખાણીપીણીની મજા લે છે. ગત વર્ષે અમદાવાદ મહાનગર પાલિકાએ આ ખાણીપીણીના બજાર પર બુલડોઝર ફેરવી દીધું હતું.

અમદાવાદઃ આ ઘટના બાદમાં એનઆઈડી પાસે આ જગ્યાને ફૂડ સ્ટ્રીટ તરીકે વિકસાવવાની ડિઝાઈન તૈયાર કરાવી હતી. એનઆઈડી દ્વારા રજૂ કરાયેલી આ ફૂડ સ્ટ્રીટની ડિઝાઇનમાં ફૂડ વાન, ટ્રાફિક, પાર્કિંગની વ્યવસ્થા સહિત તમામ પાસાઓ ધ્યાનમાં રાખવામાં આવ્યા છે. મ્યુનિસિપલ કોર્પોરેશન દ્વારા 5.50 કરોડના ખર્ચે હેપ્પી સ્ટ્રીટની ડિઝાઇન સાથે આ ફૂડ બજારને વિકસવાયું છે.

બુધવારના રોજ જુના જે લારી ગલ્લા વાળા લોકો જે જૂની ખાણીપીણી બજારમાં રહેતા હતા, તેમને લો ગાર્ડન ખાતે સ્થાન ન મળવાને કારણે તેઓએ વિરોધ નોંધાવ્યો હતો અને રસ્તા પર બેનરો સાથે આ લોકોએ વિરોધ દર્શાવ્યો હતો.