અમદાવાદમાં ધમકી આપી યુવતી પર 2 વર્ષ સુધી દુષ્કર્મ ગુજારતો રહ્યો નરાધમ

અમદાવાદઃ જિલ્લામાં છેલ્લા કેટલાક સમયથી ગુજરાતમાં દુષ્કર્મ તેમજ હત્યાની ઘટનાઓ દિવસેને દિવસે વધતી જાય છે. ત્યારે સોમવારે એક યુવતીને તેના પિતાનો અકસ્માત કરાવવાની ધમકી આપી તેના પર દુષ્કર્મ ગુજાર્યું હતું.

જિલ્લાની એક યુવતી ઉપર સાગર વિનોદભાઇ મકવાણાએ સતત બે વર્ષ સુધી દુષ્કર્મ ગુજાર્યું હતું. એટલું જ નહી, પરંતુ આ નરાધમે આ કૃત્યનો વીડિયો પણ ઉતાર્યો હતો. જેના કારણે તે વારંવાર યુવતીને ધમકી આપી અને ઘટનાને અંજામ આપતો હતો.

આ ઘટનાના મુખ્ય આરોપી સાગર મકવાણાએ અન્ય એક યુવતીને પણ ધમકી આપી હતી અને જો ઘટનાની કોઈને જાણ કરી અથવા તો તેની સાથે સંબંધ ન રાખ્યો તો એસીડ ફેંકવાની ધમકી પણ આપી હતી. સતત દુષ્કર્મ અને એસિડની ધમકીથી કંટાળીને હિંમત હારી ગયા બાદ યુવતીએ આત્મહત્યા કરવાનું પણ નક્કી કર્યું હતું, પરંતુ આત્મહત્યા કરતા પહેલા તેણે સમગ્ર હકીકત પરિવારને જણાવી જોઈએ તેવું લાગતા પિતાને મળી સમગ્ર ઘટનાનો ઉલ્લેખ કરતા પરિવારે પોલીસ સ્ટેશનમાં સંપર્ક સાધ્યો હતો. જેને લઇને પોલીસે આગળની તપાસ હાથ ધરી છે.