છેલ્લા બે દિવસમાં 294 રૂટ બંધ કરવામાં આવ્યા છે. જ્યારે 1988 ટ્રીપ રદ કરવા પડી હતી. જેના કારણે બે દિવસમાં S.T નિગમને લાખો રૂપિયાનું નુકસાન ભોગવવું પડ્યું છે. જ્યારે પ્રવાસીઓને પણ ભારે હાલાકીનો સામનો કરવો પડ્યો હતો.
S.T વિભાગ દ્વારા બસના ડ્રાઇવરોને વધારે પાણી હોય તેવા રૂટમાં બસ ન લઈ જવા માટે ખાસ સૂચના આપવામાં આવી છે. જેના કારણે અમદાવાદ વડોદરા, રાજકોટ, પાલનપુર, વલસાડ સહિતના ડિવિઝનના રૂટ બંધ કરવાની ફરજ પડી હતી. અમદાવાદ ડિવિઝનની 93, વડોદરા ડિવિઝનની 50 અને કચ્છની 56 ટ્રીપ રદ રદ કરવામાં આવી છે.
વરસાદના વિરામ બાદ અનેક જગ્યાઓ પર પાણી ભરાવાના કારણે વાહન વ્યવહાર પર સીધી અસર પડી છે. S.T નિગમને લાખો રૂપિયાનું નુકસાન ભોગવવાનો વારો આવ્યો છે.
