અમદાવાદ: હવામાન વિભાગે કરેલી આગાહી હજુ યથાવત છે. આગાહીના પગલે રાજ્યના લગભગ 85 થી વધુ તાલુકામાં વરસાદ વરસ્યો હતો. સૌથી વધુ સુરેન્દ્રનગરના ચુડામાં 5 ઇંચ વરસાદ નોંધાયો હતો. તો બીજી તરફ બોટાદ, ગોંડલ, ચીખલીમાં પણ 2-2 ઇંચ વરસાદ વરસ્યો હતો. ઉલ્લેખનીય છે કે દક્ષિણ ગુજરાતમાં આજે મેઘરાજાની સવારી પહોંચે તેવી સંભાવના છે.
- — IMD Ahmedbad (@IMDAHMEDABAD) September 24, 2023 " class="align-text-top noRightClick twitterSection" data="
— IMD Ahmedbad (@IMDAHMEDABAD) September 24, 2023
">— IMD Ahmedbad (@IMDAHMEDABAD) September 24, 2023
વરસાદ 100 ટકાની વધુ: ચોમાસાના અંતિમ તબક્કામાં સરેરાશ આંકડો 100% પાર કરી ગયો છે. ગુજરાતના કેટલાક ભાગોમાં ભારે વરસાદ નોંધાયો છે. ભારે વરસાદના કારણે પાણીની આવક વધતા નદીઓ પણ બે કાંઠે વહેતી થઈ છે. કેટલાક વિસ્તારોમાં તારાજીના દ્રશ્યો પણ સામે આવ્યા છે. સાથે રાજ્યના તમામ ડેમો ઓવરફ્લોની સ્થિતિમાં જોવા મળી રહ્યા છે. જોકે હવે ચોમાસુ પૂર્ણતાના આરે છે. ત્યારે હાલ રાજ્યમાં કોઈ વરસાદી સિસ્ટમ સક્રિય ન હોવાને લીધે હવામાન વિભાગ દ્વારા વરસાદ અંગે કોઈ આગાહી કરવામાં આવી નથી. પરંતુ રાજ્યમાં વાદળછાયું વાતાવરણ હોવાથી છૂટોછવાયો વરસાદ થઈ શકે છે. ત્યારે હવે જોવાનું રહ્યું કે આવનારા સમયમાં કોઈ વરસાદી સિસ્ટમ સક્રિય થશે કે પછી ચોમાસુ ગુજરાતમાંથી વિદાય લેશે.
ઉત્તર ગુજરાતના કાંઠા વિસ્તારમાં વરસાદ: જોકે ગુરુવારે હવામાન વિભાગ તરફથી કરવામાં આવેલી આગાહી મુજબ આવનારા દિવસોમાં રાજ્યના કચ્છ અને દ્વારકા જિલ્લામાં સામાન્ય વરસાદ થઈ શકે છે. તે ઉપરાંત અન્ય વિસ્તારોમાં હળવો વરસાદ થવાનું અનુમાન પણ કરવામાં આવ્યું છે. ડો. મનોરમા મોહંતીએ વધુમાં જણાવ્યુ છે કે, હાલ ભારે વરસાદ આવી શકે તેવી કોઈ સિસ્ટમ સક્રિય નથી. અત્યારે કચ્છ પર સર્ક્યુલેશન છે. તેની અસરના કારણે ઉત્તર ગુજરાતના કાંઠા વિસ્તારમાં વધુ વરસાદ રહેશે.
