શહેરના વટવા વિસ્તારમાં આવેલ વસંત ગજેન્દ્ર ગળતરનગરના આવાસ યોજનના મકાનમાં ૧૧ વર્ષની સગીરા પરિવાર સાથે રહે છે અને તેમની ઉપર ૧૫ વર્ષીય સગીર રહે છે. જેને કોઈ કારણથી સગીરાને ઉપર બોલાવી અને સગીરા પર દુષ્કર્મ આચર્યું હતું. સગીરાએ સમગ્ર વાતની જાણ તેની મોટી બહેનને કરી હતી. જે બાદ મોટી બહેને આ અંગે તેના કાકીને જાણ કરી હતી. સગીરાના કાકીએ સારવાર માટે 108 એમ્બ્યુલેન્સનો સંપર્ક કર્યો હતો. જે બાદ સગીરાને સારવાર માટે હોસ્પિટલ લઇ જવામાં આવી હતી.
અમદાવાદમાં ૧૧ વર્ષની બાળકી પર પડોશમાં રહેતા સગીરે આચર્યું દુષ્કર્મ
સગીરાના કાકીએ સગીરા સાથે થયેલ દુષ્કર્મ અંગે વટવા પોલીસ સ્ટેશનમાં ફરિયાદ નોધાવી હતી. પોલીસે આ મામલે IPC અને પોસ્કોની એકટ હેઠળ ગુનો નોધીને તપાસ શરુ કરી હતી. આ મામલે ગુનામાં સંડોવાયેલા કાયદાના સંઘષમાં આવનાર સગીર સામે પોલીસે કાર્યવાહી કરી છે. આ મામલે પોલીસે વધુ તપાસ હાથ ધરી છે.
