અમદાવાદ: ગુજરાતમાં આગામી વિધાનસભા ચૂંટણીના(gujarat legislative assembly 2022) બીજા તબક્કામાં જે ઉમેદવારોના ભાવિનો નિર્ણય થવાનો છે, તેમાં ભાજપના પાંચ ઉમેદવારો એવા છે કે જેમની કુલ સંપત્તિ 1200 કરોડ રૂપિયાથી વધુ છે (five BJP candidates cumulatively account). જો આપણે એક ઉમેદવાર વિશે વાત કરીએ, તો તેની પાસે આ કુલ રકમની લગભગ અડધી સંપત્તિ છે. બીજા તબક્કાના મતદાનમાં 93માંથી 75 ઉમેદવારો પાસે એક કરોડથી વધુની સંપત્તિ છે.
ADR(Association for Democratic Rights) દ્વારા પ્રકાશિત કરાયેલા તાજેતરના અહેવાલમાં જણાવાયું છે કે ગાંધીનગર બેઠક પરથી ચૂંટણી લડી રહેલા ભાજપના ઉમેદવાર જયંતિભાઈ સોમાભાઈ પટેલ પાસે સૌથી વધુ જાહેર સંપત્તિ 661 કરોડની સંપત્તિ છે. ત્યાર બાદ સિદ્ધપુરના ભાજપના ઉમેદવાર બળવંતસિંહ ચંદનસિંહ રાજપૂતનો નંબર આવે છે, જેમની પાસે કુલ સંપત્તિ 343 કરોડ રૂપિયા છે. આ ઉપરાંત 95 કરોડ સાથે વિજાપુરના રમણભાઈ ડી. પટેલ, 61 કરોડ સાથે દસક્રોઈના બાબુભાઈ જમનાદાસ પટેલ અને આણંદના યોગેશ આર. પટેલ પાસે 46 કરોડની સંપત્તિ છે. રસપ્રદ વાત એ છે કે ભાજપના આ પાંચ ઉમેદવારોની કુલ સંપત્તિ 1235 કરોડ રૂપિયાથી વધુ છે. આટલું જ નહીં, ADR રિપોર્ટમાં કહેવામાં આવ્યું છે કે 5 ડિસેમ્બરે યોજાનારી વિધાનસભા ચૂંટણીના બીજા તબક્કામાં લડી રહેલા ભાજપના 81 ટકા ઉમેદવારો પાસે એક કરોડથી વધુની સંપત્તિ છે. મેદાનમાં રહેલા 93 ઉમેદવારોમાંથી 75 પાસે એક કરોડથી વધુની સંપત્તિ છે.
કોંગ્રેસના 77 ઉમેદવારો કરોડપતિઃ જો કે, જ્યાં સુધી કરોડપતિઓની વાત છે, કોંગ્રેસ ભાજપ કરતા થોડી આગળ છે. બીજા તબક્કામાં કોંગ્રેસના 90 ઉમેદવારોમાંથી 77 કરોડપતિ છે, એટલે કે યાદીમાં 86 ટકા ઉમેદવારો કરોડપતિ છે. ગુજરાત વિધાનસભા ચૂંટણી 2022ના બીજા તબક્કામાં નસીબ અજમાવી રહેલા ઉમેદવાર દીઠ સરેરાશ સંપત્તિ રૂ. 4.25 કરોડ છે. રસપ્રદ વાત એ છે કે, 2017ની ગુજરાત વિધાનસભા ચૂંટણીના બીજા તબક્કામાં 822 ઉમેદવારોની સરેરાશ સંપત્તિ 2.39 કરોડ રૂપિયા હતી.
ભાજપ પક્ષની સરેરાશ સંપત્તિ 19.58 કરોડ: વિશ્લેષણ એ પણ દર્શાવે છે કે ભાજપ માટે પક્ષ મુજબ સરેરાશ સંપત્તિ રૂપિયા 19.58 કરોડ છે, જ્યારે કોંગ્રેસની રૂ. 7.61 કરોડ છે. આમ આદમી પાર્ટી માટે આ સરેરાશ રૂ. 5.28 કરોડ છે. એક તરફ જ્યાં મુખ્ય પક્ષોના ઉમેદવારો પાસે પૈસાની ચમક છે તો બીજી તરફ એવા પાંચ ઉમેદવારો છે જેમણે પોતાના સોગંદનામામાં શુન્ય સંપત્તિ જાહેર કરી છે.
પાંચ ઉમેદવારોની શૂન્ય સંપત્તિ: ગાંધીનગર ઉત્તર મતવિસ્તારમાંથી મહેન્દ્રભાઈ સોમભાઈ, નરોડા મતવિસ્તારમાંથી ચૂંટણી લડનાર પટેલ સત્યમકુમાર કે, અમરાઈવાડી મતદારક્ષેત્રમાંથી ચૂંટણી લડનાર સતીષ હીરાલાલ સોની, દાણીમીલડા મતવિસ્તારમાંથી ચૂંટણી લડનાર પરમાર કસ્તુરભાઈ રણછોડભાઈ અને સાબરમતી મતવિસ્તારમાંથી ચૂંટણી લડનાર જીવનભાઈ રામભાઈ પરમારે પોતાના એફિડેવિટમાં શુન્ય સંપત્તિ જાહેર કરી છે.
