અમદાવાદમાં હેવાન પિતાએ ઘરમાં એકલી પુત્રીને જોઈ દુષ્કર્મ આચર્યું

અમદાવાદ: શહેરમાં પિતા-પુત્રીના સંબંધને કલંકિત કરનારો કિસ્સો સામે આવ્યો છે. જેમાં પિતાએ પોતાની સગી પુત્રી સાથે શારીરિક અડપલા કરીને દુષ્કર્મ આચર્યું છે. આ અંગે પોલીસ દ્વારા આરોપી પિતાની ધરપકડ કરવામાં આવી છે.

શહેરમાં એક દંપતી તેમના ત્રણ સંતાનો સાથે રહે છે. જ્યારે 17 તારીખે દંપતી વચ્ચે ઝઘડો થતા મહિલા તેમના મોટા બહેનના ત્યાં ચાલ્યા ગયા હતા. ત્યારે ઘરમાં દીકરી એકલી હતી જેનો લાભ ઉઠાવી નરાધમ પિતાએ 9 વર્ષની સગી દીકરી સાથે સૃષ્ટિ વિરુદ્ધનું કૃત્ય કર્યું હતું. આ વાતની જાણ બાળકીએ તેના નજીકમાં રહેતા નાનીને કરી હતી અને નાનીએ આ અંગે બાળકીના માતાને જાણ કરી હતી.

આ વાતની જાણ પુત્રી એ તેની માતાને કરી હતી. ત્યારે માતા અને પુત્રી ફરિયાદ કરવા માટે રામોલ પોલીસ સ્ટેશન ગયા હતા. પુત્રીનું મેડિકલ ચેકઅપ કરાવ્યા બાદ પોલીસે આગળની કાર્યવાહી શરૂ કરી હતી. પોલીસે આ મામલે પિતાની ધરપકડ કરીને પોસ્કો એક્ટ હેઠળ ગુનો નોંધીને વધુ તપાસ હાથ ધરી છે.