અમદાવાદમાં ટ્રાફિકના નિયમ તોડનારાને ફરીથી ઈ-મેમો આપવામાં આવશે

અમદાવાદ શહેરમાં 2 મહિના બાદ ફરી એક વાર ટ્રાફિક સિગ્નલ શરૂ કરવામાં આવ્યા છે અને ટ્રાફિકના નિયમોનો ભંગ કરવા બદલ હવેથી લોકોને ઈ-મેમો પણ આપવામાં આવશે.

અમદાવાદઃ છેલ્લા 2 મહિનાથી શહેરમાં લોકડાઉનના કારણે લોકોની અવરજવર ખૂબ જ ઓછી હોવાના કારણે પોલીસ દ્વારા કે ઈ-મેમો દ્વારા કોઈની પાસેથી દંડ વસુલવામાં આવતો ન હતો. ત્યારે હવે રસ્તાઓ ફરી ચાલુ કરાતા અને રસ્તા પર લોકોની અવરજવર વધતા ફરીથી શહેરના ટ્રાફિક સિગ્નલો ચાલુ કરાયા છે અને ઇ-મેમો ચાલુ કરવા પણ શહેર પોલીસ કમિશનરે આદેશ આપ્યા છે.

અંદાજે 2 મહિના બાદ ફરી એક વાર લોકો મોટી સંખ્યામાં લોકો વાહનો પર રસ્તા પર જોવા મળ્યા છે જેથી હવે લોકો ટ્રાફિકના નિયમોનું પાલન કરે તે હેતુથી ફરી એકવાર ઈ મેમો શરૂ કરવામાં આવ્યા છે..