કોરોના વાઈરસ અંગે જાગૃતિઃ અમદાવાદ મ્યૂનિસિપલ કોર્પોરેશને કરી અનોખી પહેલ

ગુજરાતની આર્થિક રાજધાની અમદાવાદમાં વસતા લાખો લોકો માટે કોરોનાને દૂર રાખવો તંત્ર માટે મોટો પડકાર છે. ત્યારે હરસંભવ કોશિશ કરી AMC તંત્ર લોકોને આ વાઈરસની ગંભીરતા સમજાવી સચેત કરી રહ્યું છે.

અમદાવાદ: ગુજરાતમાં કોરોના વાઈરસના 33 પોઝિટીવ કેસ નોંધાયાં છે, ત્યારે ગુજરાત સરકાર લોકોને ઘરમાં રહેવાની અપીલ કરી રહી છે. તે વચ્ચે અમદાવાદના જુદા-જુદા વિસ્તારોમાં કચરો ઉપાડવાની ગાડીમાં માઈક ફીટ કર્યા છે.

ઘેર રહો, સ્વસ્થ રહો. કોરોના વાઈરસ અંગે લોકોમાં જાગૃતિ આવે તે માટે આ માઈકમાં સતત જાહેરાત કરવામાં આવી રહી છે. લોકોને ઘરમાં જ રહેવા સતત અપીલ કરાઈ રહી છે. લોકડાઉનનું ચુસ્તપણે પાલન કરીએ તેવું સુચન પણ કરવામાં આવે છે.