અમદાવાદ : ચાંદખેડામાં ધનતેરસના દિવસે જ્વેલર્સના માલિકને બંધક બનાવીને 1.53 કરોડની નોકર લૂંટ કેસમાં ક્રાઇમ બ્રાન્ચે 3 આરોપીની ધરપકડ કરી છે. આરોપી ઘરેણા વેચવા (Robbery case in Ahmedabad) અમદાવાદ આવ્યા અને ક્રાઇમ બ્રાન્ચે ઝડપી લીધા હતા. ક્રાઇમ બ્રાન્ચે 1.08 કરોડનો મુદ્દામાલ જપ્ત કર્યો. પરંતુ હજુ 50 લાખનો મુદામાલ નહિ મળી આવતા શોધખોળ શરૂ કરાઇ છે. પોલીસ કસ્ટડીમાં જોવા મળતા આરોપીમાં સુરેન્દ્રસિંહ ઉર્ફે સુનિલ ઝાલા, ચિરાગ નાયક અને જેન્તી ઉર્ફે જેડી ઝાલેરાએ ધનતેરસના દિવસે લૂંટ કરીને ફરાર થઈ ગયા હતા. (Chandkheda jeweler shop Robbery)
કેવી રીતે આરોપીઓ પકડાયા બનાસકાંઠાના રહેવાસી આ લૂંટારા બે મહિના બાદ લૂંટ કરેલા દાગીના વેચવા માટે અમદાવાદ આવી રહ્યા હતા, ત્યારે ક્રાઈમ બ્રાન્ચને બાતમી મળતા સુરેન્દ્ર અને ચિરાગની ધરપકડ કરી હતી. આરોપીઓના દસ દિવસના રિમાન્ડ દરમિયાન મુખ્ય સૂત્રધાર જયંતિ હોવાનું ખૂલતા ક્રાઈમ બ્રાન્ચ ત્રીજા આરોપીની પણ ધરપકડ કરીને લૂંટના મુદ્દામાલ જપ્ત કર્યો હતો. (jeweler shop Robbery case in Ahmedabad)
આરોપીઓને જેલમાં દોસ્તી થઈ પકડાયેલા આરોપીમાં જયંતિ ઉર્ફે જેડી અને સુરેન્દ્રસિંહ ઝાલાનો ગુનાહિત ઇતિહાસ છે. જયંતિ બનાસકાંઠાના ઠરા વિસ્તારમાં જૈનમ શાહ નામના બાળકના અપહરણ અને હત્યા કેસમાં સાત વર્ષ સુધી પાલનપુર જેલમાં સજા ભોગવી હતી. જ્યારે સુરેન્દ્રસિંહ પણ ઠરા વિસ્તારમાં હર્ષદ પટેલ નામના વ્યક્તિના હત્યા કેસમાં બે વર્ષ સુધી પાલનપુર જેલમાં સજા ભોગવી હતી. આ જેલમાં જયંતિ અને સુરેન્દ્રસિંહ વચ્ચે મિત્રતા થઈ હતી. જેલમાંથી છૂટ્યા બાદ સુરેન્દ્ર અમદાવાદ આવી ગયો અને જ્વેલર્સમાં કામ કરતો હતો. પૈસાની જરૂરિયાત પૂરી કરવા જયંતિ, સુરેન્દ્ર અને ચિરાગએ લૂંટ કરવા માટેનું ષડયંત્ર રચ્યું અને ધનતેરસના દિવસે જ્વેલર્સના માલિકને બંધક બનાવીને લૂંટ કરીને ફરાર થઈ ગયા હતા. ક્રાઈમ બ્રાન્ચે આરોપીની ધરપકડ કરીને થરાના ભદ્રેવાડી ગામ પાસેથી લૂંટનો મુદ્દામાલ કબ્જે કર્યો છે. (Ahmedabad Crime News)
આ પણ વાંચો મિત્રોએ જુગાર રમવાના બહાને વાડીએ બોલવી મિત્ર પાસેથી લાખોની વસ્તુ પડાવી લીધી
આરોપીઓને કોર્ટમાં રજૂ કર્યા ચાંદખેડામાં જ્વેલર્સમાં લૂંટ કેસમાં ક્રાઈમ બ્રાન્ચ આરોપી સુરેન્દ્રનગર અને ચિરાગના દસ દિવસના રિમાન્ડ પૂર્ણ થતાં કોર્ટમાં રજૂ કર્યા હતા. કોર્ટે આ બંને આરોપીઓને સેન્ટ્રલ જેલ મોકલ્યા છે, જ્યારે મુખ્ય આરોપી જયંતિ ઉર્ફે જેડીના દસ દિવસના રિમાન્ડ મંજૂર કર્યા છે. આ લૂંટ કેસમાં હજુ 50 લાખનો મુદ્દામાલ નહીં મળી આવતા ક્રાઈમ બ્રાન્ચે મુદ્દામાલની શોધખોળ શરૂ કરી છે. મહત્વનું છે કે આરોપીઓએ લૂંટના પૈસાથી ફોન પણ ખરીદ્યો હતો. જેને પણ પોલીસે જપ્ત કર્યો છે. (Chandkheda jeweler shop Robbery case)
આ પણ વાંચો રુપિયા 20 લાખની લૂંટ-ફાયરિંગ કેસમાં રાજસ્થાન કનેક્શન, ગેંગના 3 સભ્યો ઝડપાયા
પોલીસે શું કહ્યું આ અંગે અમદાવાદ ક્રાઈમ બ્રાન્ચના PI એ.ડી પરમારે જણાવ્યું હતું કે, છેલ્લા ઘણા સમયથી આરોપીઓને પકડવા માટેની કામગીરી કરવા માટે અલગ અલગ ટીમો ગુજરાતના અલગ અલગ જિલ્લાઓમાં ફરી રહી હતી. સૌથી પહેલા લૂંટમાં સામેલ બંને કર્મીઓની ધરપકડ કરાઈ હતી. બાદમાં ગુનાનો મુખ્ય અમદાવાદના ઝુંડાલ સર્કલ પાસેથી ઝડપાઈ ગયો છે. (Dhanteras day robbery in Chandkheda)
