2020-21નું અમદાવાદ મ્યુનિસિપલ ટ્રાન્સપોર્ટ સર્વિસનું બજેટ રજૂ, ચાંદખેડામાં બનશે નવું ટર્મિનલ

અમદાવાદ મ્યુનિસિપલ ટ્રાન્સપોર્ટ સર્વિસની માતૃસંસ્થા તરીકે અમદાવાદ મ્યુનિસિપલ કોર્પોરેશન 1947થી શહેરની પ્રજાની જાહેર પરિવહનની સેવા પૂરી પાડે છે. વર્ષ 1947માં 112, 200 અને 38 રુટ સાથે શરૂ થયેલી આ પરિવહન સેવાનો વ્યાપ વધીને આજે 700 અને ૧૫૦ ઓપરેશનલ રૂટ સુધી પહોંચ્યો છે. દરરોજ 5.50 લાખ શહેરીજન સેવાનો લાભ લે છે. આજરોજ ટ્રાન્સપોર્ટ કમિટી ચેરમેન દ્વારા રજૂ કરવામાં આવેલ કુલ ૮૦૦ બસોના બજેટમાં 700 પ્રાઇવેટ ઓપરેટરો દ્વારા બસ પૂરી પાડવામાં આવશે. આમ કુલ ફ્લેટમાં પ્રાઇવેટ ઓપરેટરોની મોટા પ્રમાણમાં ફ્લેટ હોવાથી અમદાવાદ મ્યુનિસિપલ ટ્રાન્સપોર્ટ સર્વિસનું મુખ્ય કાર્ય પ્રાઇવેટ ઓપરેટરોની બસોનું યોગ્ય રીતે સંચાલન થાય તેમજ મોનિટરીંગ થાય તે જરૂરી છે. ગત વર્ષની જેમ જ આ વર્ષે પણ મુખ્ય લક્ષ્ય કાર્યક્ષમ સેવા પૂરી પાડીને પ્રવાસીઓમાં વિશ્વાસ વધે તે જ છે.

એએમટીએસ અને બીઆરટીએસ એ બંનેની માતૃસંસ્થા અમદાવાદ મ્યુનિસિપલ કોર્પોરેશન છે. જેમાં હાલમાં આશરે 150થી વધુ બસ રનમાં છે. આવનારા વર્ષમાં એએમટીએસની કુલ ૮૦૦ અને બીઆરટીએસની કુલ ૮૫૦ બસ ઓપરેશનમાં મુકવામાં આવનાર છે. આ બસો એએમટીએસના 150 અને બીઆરટીએસના 14 રૂટ પર ચલાવવામાં આવે છે આવનારા વર્ષમાં બસોની સંખ્યામાં ખૂબ જ મોટા પ્રમાણમાં વધારો થવાનો છે. હાલમાં બીઆરટીએસની બસો બીઆરટીએસના ટ્રેકમાં તેમ જ થોડા પ્રમાણમાં મિક્સ ટ્રાફિકમાં પણ ચાલે છે કે, આવનાર સમયમાં બીઆરટીએસમાં બસો બીઆરટીએસ ટ્રેકની બહાર ચલાવવાની ફરજ પડશે.

સ્વર્ણિમ જયંતિ મુખ્યમંત્રી શહેરી વિકાસ યોજનાની ગ્રાન્ટમાંથી નીચે દર્શાવ્યા મુજબના કામો થશે1. મેમનગર ડેપોમાં ડેપો બિલ્ડીંગ તેમ જ આર.સી.સી રોડ બનાવવા રૂપિયા 2.5 કરોડ2.ચાંદખેડા ખાતે સારથી બંગલો પાસે ટીપી સ્કીમ નંબર 74 પ્લોટ નંબર 12 માંથી 2400 ચો.મી જગ્યામાં નવું બસ ટર્મિનલ બનાવવા માટે 1.5 કરોડ3. નવરંગપુરા બસ ટર્મિનલ વિકસાવવા માટે ૫૦ લાખ4. નિકોલ ભક્તિ સર્કલ પાસે ટીપી સ્કીમ 119 પ્લોટ નંબર 157 1600 ચો.મી ઓપન સ્પેસમાં બસ ટર્મિનલ વિકસાવવા માટે ૫૦ લાખઅમદાવાદ શહેરના ઐતિહાસિક સ્થળોની મુલાકાત માટે અમદાવાદ મ્યુનિસિપલ ટ્રાન્સપોર્ટ સર્વિસ તરફથી લાલ દરવાજા સારંગપુર મણીનગર તેમ જ વાડજ ટર્મિનલથી મહત્તમ આઠ કલાક માટે રૂપિયા 5,000ના દરથી અગાઉથી બુકિંગ કરાવીને બસની સુવિધા પૂરી પાડવામાં આવશે. તેમ જ બસ ટર્મિનસ ઉપર લાગેલા સીસીટીવી કેમેરા અપડેટ કરવા તેમ જ જ્યાં હોય તેના પર લગાવવાનું ઠરાવવામાં આવ્યું છે. જેના માટે 30 લાખ રૂપિયા ફાળવવામાં આવ્યાં છે.