શહેરના વૈષ્ણવદેવી સર્કલ પાસે આવેલ એસ.જી ૧ના ટ્રાફિકબૂથ પાસે લોકરક્ષણ દળના કલ્પેશ કોડિયાતર અને TRBના અરુણ પટણી નામના કર્મી ફરજ બજાવી રહ્યા હતા તે દરમિયાનમાં માલ-સમાન ભરેલો ટેમ્પો ત્યાંથી પસાર થઈ રહ્યો હતો ત્યારે તેને રોકી તેની પાસે 200રૂપિયા લાંચ પેટે લેવામાં આવ્યા હતા. જેની કાયદેસરની પહોંચ આપવા આવી ન હોતી. આ મામલે ACB દ્વારા અગાઉથી જ ડિકોય ગોઠવવામાં આવી હતી અને બંને કર્મીઓને લાંચ લેતા ઝડપી લેવામાં આવ્યા હતા.
ટ્રાફિકના દંડની જોગવાઈની રકમમાં વધારો થતા લાંચ લેવાના કિસ્સા પણ વધ્યા
હાલ બને આરોપીઓની ધરપકડ કરી ACB દ્વારા કાયદેસરની કાર્યવાહી હાથ ધરવામાં આવી છે. પરંતુ મહત્વની વાત એ છે કે નવા નિયમો પ્રમાણે દંડની જોગવાઈ વધતા લાંચ લેવાનું પ્રમાણ વધ્યું છે જે અંગે ACB પાસે અરજીઓ પણ આવે છે જેને લઈને ACB દ્વારા શહેરમાં આગામી દિવસોમાં વધુ ડિકોય ગોઠવવામાં આવશે.
