અત્યાર સુધી એવું મનાતું હતું કે, ઊંઝા અને જામનગર ગ્રામ્યની બેઠક ભાજપ ગુમાવશે, પણ ભાજપે જીત મેળવી લીધી છે. ધ્રાંગધ્રા અને માણાવદર બેઠક પર રસાકસી બાદ ભાજપની જીત થઈ છે. આ જીત સાથે ભાજપ ગુજરાત વિધાનસભામાં 100 આંકડો પાર કરશે.
કોંગ્રેસમાંથી ચાર ધારાસભ્યોએ બળવો કરીને રાજીનામુ આપ્યું હતું, તે ચાર ખાલી પડેલી બેઠકો પર ચૂંટણી યોજાઈ હતી. અને તેઓ આ બેઠક ભાજપના બેનર હેઠળ ચૂંટણી લડ્યા હતા. માણાવદરની બેઠક પર જવાહર ચાવડા, ધ્રાંગધ્રા બેઠક પર પરસોત્તમ સાબરિયા, ઊંઝા બેઠક પર ડૉ.આશા બહેન પટેલ અને જામનગર ગ્રામ્ય બેઠક પર રાઘવજીભાઈ પટેલ વિધાનસભાની ચૂંટણી જીતની નજીક છે. વીવીપેટની ગણતરી હોવાથી ફાઈનલ આંકડા જાહેર કર્યા નથી, પણ ચારેય બેઠક ભાજપ જીતી ગયું છે.
(1) ધ્રાંગધ્રા પેટા ચૂંટણી બેઠક
: 52 રાઉન્ડને અંતે
ભાજપના ઉમેદવાર પરષોતમ સબરિયા 92,371 મત
, કોંગ્રેસના ઉમેદવાર દિનેશ પટેલ 59,508 મત
ભાજપના પરષોતમ સબરિયા 32,863 મતથી આગળ
(2) ઊંઝા વિધાનસભા પેટા ચૂંટણી:
કુલ થયેલું મતદાન – 1,47,897
ભાજપના આશાબહેન પટેલ - 74,299
કોંગ્રેસના કાંતીભાઈ પટેલ – 52,549
BJPના આશાબહેન પટેલ – 21,750 આગળ
કુલ મતોની ગણતરી - 1,42,354
(3) જામનગર ગ્રામ્ય પેટા ચૂંટણી:
ભાજપના રાઘવજીભાઈ પટેલ 88,254 મત
કોંગ્રેસના જયંતિભાઈ સભાયાને 55,232 મત
ભાજપના રાઘવજીભાઈ 33,022 આગળ
(4) માણાવદર પેટા ચૂંટણી:
કોંગ્રેસના અરવિંદ લાડાનીને 47,677 મત
ભાજપના જવાહર ચાવડાને 54,109 મત
ભાજપના જવાહર ચાવડા 6,432 મતથી આગળ
