અમદાવાદઃ BAPS સંસ્થાના વડા મહંત સ્વામીએ પણ મુખ્યપ્રધાન વિજય રૂપાણીને જન્મદિન નિમિતે ફોન કરીને શુભ આશિષ પાઠવ્યા હતા. મહંત સ્વામીએ ભગવાન સ્વામી નારાયણની અવિરત કૃપા-આશિષ વિજય રૂપાણી પર વરસતા રહે, ગુજરાત મુખ્યપ્રધાનના નેતૃત્વમાં વધુને વધુ ઉન્નતિ કરે તેવી પ્રાર્થના કરી હતી.
ગુજરાતના મુખ્યપ્રધાન વિજય રૂપાણીનો જન્મદિવસ છે, બીજી તરફ આજે કેન્દ્રીય ગૃહપ્રધાન અમીત શાહ કોરોના પોઝિટિવ આવ્યા છે ત્યારે અમિત શાહ જલ્દીથી સારા થઈ જાય તેવી શુભકામનાઓ પ્રદેશ અધ્યક્ષ સી.આર.પાટીલ અને ભાજપ પ્રદેશ પ્રવક્તા ભરત પંડ્યા ઉપરાંત ભારતીય જનતા પાર્ટીના અન્ય નેતાઓ કાર્યકરો સત્તાધીશો તેમજ સામાજિક અગ્રણીઓ દ્વારા કરવામાં આવી છે.
