અમદાવાદઃ આજે જ્યારે કોરોના વાયરસ દુનિયાભરમાં અત્યાર સુધીમાં 1.96 લાખથી વધુ લોકો સંક્રમિત થઈ ચૂક્યા છે અને 20,000થી વધુ લોકો કોરોનાના પગલે મોતને ભેટી ચૂક્યા છે. ભારતમાં અત્યાર સુધીમાં 112 લોકો આ વાયરસથી સંક્રમિત થઈ ચૂક્યા છે અને આઠ લોકોના મૃત્યુ થઈ ગયા છે.
ગુજરાત સરકારે પણ રાજ્યમાં શોપિંગ મોલ, સ્કૂલ અને કોલેજ 31 માર્ચ સુધી બંધ રાખવાનો નિર્ણય કર્યો છે અને આરોગ્ય વિભાગે કોરોનાના વાઈરસને લઈ પણ સતર્ક બની છે, ત્યારે કોબા ગામમાં આશરે 3000 પરિવારોને આજરોજ આયુર્વેદિક ઉકાળાનું વિતરણ કરવામાં આવ્યું હતું.
કોબા ખાતે કુડાસણ આયુર્વેદિક સેન્ટર પરથી આયુષ નિયામકની સૂચના સંદર્ભે આયુર્વેદિક શાખા દ્વારા જુના કોબા તેમજ નવાકોબામાં કોરોના સામે રોગપ્રતિકારક શક્તિ વધે, તે માટે નિઃશુલ્ક આયુર્વેદિક ઉકાળો ઘરે ઘરે જઈને વિતરણ કરવામાં આવ્યું હતું અને સાથે સાથે આવતીકાલે વડાપ્રધાન નરેન્દ્ર મોદી દ્વારા જનતા કર્ફ્યુનો અમલ કરવાની જાહેર સૂચના આપવામાં આવી છે. જેના સંદર્ભે સમગ્ર ગામમાં ફરીને સાવધાનીના સરકાર દ્વારા લેવામાં આવેલા આ પગલાને કેવી રીતે અનુસરવું અને સાવચેતીના કેવી રીતે પગલાં લેવા, તે પણ સમજાવવામાં આવ્યું હતું. તેમજ જનતા કરફ્યુનો કડકપણે સ્વેચ્છાએ અમલ કરવો તેવી સૂચના આપવામાં આવી હતી.
