સુરત: સુરત રેલવે સ્ટેશન પર GRP જવાનની સૂઝબૂઝ કારણે વધી એક વ્યક્તિનો આબાદ બચાવ થયો છે. સુરત રેલવે સ્ટેશન પર ચાલુ ટ્રેન અને પ્લેટફોર્મ વચ્ચે ફસાયેલા વૃદ્ધને બચાવ્યા હાજર GRP એ બચાવ્યા હતા. આ સમગ્ર ઘટના CCTVમાં કેદ થઈ ગઈ હતી.
સુરત રેલવે સ્ટેશન પર એક વૃદ્ધની જિંદગી GRP જવાનની સમયસૂચકતાને કારણે બચી ગઈ છે. પ્લેટફોર્મ નંબર 1 પર રાત્રે 10:47 વાગ્યે આવેલી ઇન્દોર એક્સપ્રેસમાં એક વૃદ્ધ ચડવાનો પ્રયાસ કરી રહ્યા હતા. ચાલુ ટ્રેનમાં ચડવા જતા તેમનો પગ લપસી ગયો અને તેઓ ટ્રેન અને પ્લેટફોર્મની વચ્ચે ફસાઈ ગયા.
વૃદ્ધે ટ્રેનનું હેન્ડલ પકડી રાખ્યું હોવાથી તેઓ ટ્રેનની સાથે ખેંચાતા જતા હતા. આ દરમિયાન ફરજ પર હાજર GRP જવાન ગુલાબસિંહ મનસુખભાઈની નજર વૃદ્ધ પર પડી. તેમણે તાત્કાલિક સમયસૂચકતા દાખવીને વૃદ્ધને ટ્રેન અને પ્લેટફોર્મ વચ્ચેથી ખેંચી લીધા.
આ ઘટના દરમિયાન આસપાસના લોકો પણ મદદ માટે દોડી આવ્યા હતા અને વૃદ્ધને સ્વસ્થ કરવામાં સહાય કરી હતી. વૃદ્ધ સ્વસ્થ થયા બાદ તેમને સલામત રીતે ટ્રેનમાં બેસાડવામાં આવ્યા હતા. રેલવે સ્ટેશન પર લાગેલા CCTVમાં આ સમગ્ર ઘટના કેદ થઈ ગઈ છે, જેમાં GRP જવાનની સૂઝબૂઝ અને ત્વરિત કાર્યવાહી સ્પષ્ટ જોઈ શકાય છે.
આ પણ વાંચો:
