અરજદાર દ્વારા હાઈકોર્ટમાં દાખલ કરાયેલી જાહેરહિતની અરજીમાં દલીલ કરવામાં આવી હતી કે, વહાન ટોઇંગ પ્રક્રિયા માટે સેન્ટ્રલ વિજિલન્સ કમિટિના પરિપત્ર અને સુપ્રીમ કોર્ટના માર્ગદર્શન પ્રમાણે ઈ-ટેન્ડરિંગ થવું જોઈએ. અરજદારનો આક્ષેપ છે કે, ટોઇંગના નિયમોનું પણ અમલ કરવામાં આવતો નથી અને તેને લઈને નાગરીકોને ભારે હાલાકીનો સામનો કરવો પડે છે.
સરકારી વકીલે હાઈકોર્ટમાં દલીલ કરી હતી કે, સુરત શહેરમાં ટ્રાફિક ટોઇંગના વાહનને ટેન્ડરની આપવાની પ્રક્રિયામાં તમામ નીતિ નિયમો લાગુ કરવામાં આવે છે અને કોઈપણ નિયમોનું બાંધછોડ કરવામાં આવતું નથી. ટેન્ડર જ્યારે આપવામાં આવશે ત્યારે નિયમોનું તેનો ઉલ્લેખ કરવાની તૈયારી બતાવતા હાઈકોર્ટે જાહેરહિતની અરજીનો નિકાલ કર્યો હતો.
