ગુજરાતના આંગણે આવેલા ગૃહપ્રધાને પોતાના સંબોધનમાં જૂની યાદો તાજી કરી

ગાંધીનગરઃ નવનિર્વાચિત નરેન્દ્ર મોદી સરકારમાં કેન્દ્રીય ગૃહપ્રધાન તરીકે શામેલ થયા બાદ આજે પ્રથમવાર અમિત શાહ ગુજરાતના પ્રવાસે આવી પહોંચ્યા છે. અમદાવાદ એરપોર્ટે આવી પહોંચેલા અમિત શાહનું કાર્યકર્તાઓ દ્વારા વાજતે-ગાજતે સ્વાગત કરવામાં આવ્યું હતું. કેન્દ્રીય ગૃહમંત્રાલયનો કાર્યભાર સંભાળ્યા બાદ આજે શાહ પોતાના ગૃહ રાજ્યના પ્રવાસે આવ્યાં છે.

અમિત શાહે અમદાવાદ મ્યુનિ. કોર્પોરેશન દ્વારા ઈન્કમટેક્સ સર્કલ પર બાંધવામાં આવેલા ઓવરબ્રિજનું લોકાર્પણ કર્યું હતું. જ્યાં બ્રિજના બંને છેડે પક્ષના કાર્યકરો તેમનું અભિવાદન કર્યું હતું. ત્યાર બાદ તેઓ ઈન્કમટેક્સ કચેરી પાછળ આવેલા દિનેશ હોલમાં યોજાનારા કાર્યક્રમમાં મ્યુનિસિપલ કોર્પોરેશન દ્વારા નારણપુરા ખાતે બાંધવામાં આવેલા સ્વ. ડી.કે.પટેલ કોમ્યુનિટી હોલ અને મ્યુનિસિપલ લાઈબ્રેરીનું લોકાર્પણ કર્યું હતું.

દેશ અને દુનિયાના લોકો માટે ટ્રાફિકની સમસ્યા હોય, પણ હુ તો 13 વર્ષથી માંડી દેશનો ગૃહપ્રધાન બન્યો ત્યાં સુધી આ જ રોડ પર ફરતો હતો. લાલ બસ, સાયકલ, સ્કૂટર પર નીકળ્યો. ચૂંટણી સમયે આ જ રોડ પર ભાજપના બેનર પણ લગાવ્યા છે.

જેમ જેમ શહેર વિકસતુ ગયુ, વસ્તી વધતી ગઈ, ટ્રાફિકની સમસ્યા વધતી ગઈ ત્યારે 58 કરોડના ખર્ચે આ ઓવરબ્રિજ પૂરો થયો, આ સમગ્ર ક્ષેત્રના અને મારા મતક્ષેત્રના લોકો માટે આશીર્વાદ સમાન છે. આ દરમિયાન અમિત શાહે જણાવ્યું હતું કે, ચૂંટણી જીત્યા બાદ મળવાનો મોકો મળ્યો નથી. રથયાત્રામાં મંગળા આરતી કરવા માટે આવ્યો છું.

મારા લગ્ન પણ આ ડી. કે. પટેલ હોલમાં જ થયા હતા.નારણપુરાનો ધારાસભ્ય હતો ત્યારે ભૂમિપૂજન, આજે મારી ઉપસ્થિતિમાં લોકાર્પણ પણ કર્યું તે આનંદની વાત છે. વડાપ્રધાન નરેન્દ્ર મોદીએ ગુજરાત માટે અનેક વિકાસના કાર્યો કર્યા અને કરોડો રૂપિયા ફાળવ્યા છે.ભાજપા અને મારા તરફથી કાર્યકર્તા અને મતદારોનો આભાર માનું છું. ભારત સરકારે મેટ્રો માટે ગુજરાત સરકારને 4100 કરોડ આપ્યા છે.

જ્યારે 4 જુલાઈના રોજ અષાઢી બીજ નિમિત્તે પરોઢિયે 4 કલાકે જમાલપુર સ્થિત જગદીશ મંદિર ખાતે મંગળા આરતીમાં ભાગ લેશે અને મંદિરના પ્રાંગણમાં મૂકવામાં આવેલા ભગવાન કૃષ્ણ, ભાઈ બલરામ અને બહેન સુભદ્રાના રથના દર્શન કરશે.

અમદાવાદ એરપોર્ટ આવી પહોંચેલા અમિત શાહનું રાજ્યના મુખ્યપ્રધાન વિજય રૂપાણી અને રાજ્યના પ્રધાનો દ્વારા સ્વાગત કરવામાં આવ્યું. થોડી જ વારમાં અમિત શાહ અમદાવાદમાં ઈન્કમટેક્ષ ફ્લાયઓવર બ્રિજ, ડી કે પટેલ હોલ અને પુસ્તકાલયનું લોકાર્પણ કરશે.

આ ફ્લાયઓવર આશરે 57 કરોડના ખર્ચે બનાવાયો છે. આ સમયે રાજ્યના મુખ્યપ્રધાન વિજય રૂપાણી પણ તેમની સાથે ઉપસ્થિત રહેશે. તેઓ 4:30 કલાકે દિનેશ હોલમાં સંબોધન કરશે. જ્યારે સાંજે 6 કલાકે લોકસભાના કાર્યકર્તાઓને મળશે. ગુરૂવારે સવારે તેઓ 4 કલાકે જગન્નાથ મંદિરમાં મંગળા આરતી પણ કરશે.

આગામી 5 જૂલાઈના રોજ રાજ્યસભાની ચૂંટણી પણ યોજાનાર છે, ત્યારે ગુજરાતના રાજકારણને મૂળથી જાણતા અને દેશનાં રાજકારણમાં ચાણક્ય તરીકે ઓળખ ધરાવતા અમિત શાહ ગુજરાતના પ્રવાસે હોઈ, તેઓ રાજ્યસભા ચૂંટણીને લઈને પણ ગુજરાત પ્રવાસે આવ્યા હોવાની ચર્ચાઓ ચાલી રહી છે. ત્યારે ગુજરાતની રાજ્યસભાની બે બેઠકોની પેટા ચૂંટણી માટે અમિત શાહ કઈ ચાલ રમે છે તે જોવું રહ્યું.