અખિલ ભારતીય પરિવારે જીતેલા ઉમેદવારોને આપ્યા અભિનંદન

અમદાવાદઃ લોકસભા 2019ની ચૂંટણીમાં ભાજપનો વિજય થતાં દેશ ભરમાં ઉજવણી કરવામાં આવી હતી. વિવિધ સંસ્થાઓ દ્વારા પણ ભાજપને અભિનંદન આપવામાં આવ્યા હતા. ત્યારે અખિલ ભારતીય પરિવારે પણ જીતેલા ઉમેદવારોને અભિનંદન આપી સમર્થન આપવા જણાવ્યું હતું.

અખિલ ભારતીય પરિવારના પ્રમુખે જણાવ્યું કે, તમામ લોકોની આશા હતી તે પાર પડી છે અને ઉમેદવારોની જીત થઈ છે. અખિલ ભારતીય પરિવાર ચૂંટાયેલા ઉમેદવારોનો સાથ આપશે અને વિકાસના કાર્યોમાં સમર્થન કરશે, પરંતુ જનતાના પ્રશ્નો પણ સરકાર સુધી પહોંચાડશે અને જરૂર જણાશે તો સરકારની જનતા વિરોધી નીતિ અને નિર્ણયોનો વિરોધ કરશે.

14 રાજ્યોમાં અખિલ ભારતીય પરિવારનું સંગઠન કાર્યરત છે. 2017માં અખિલ ભારતીય પરિવારની શરૂઆત થઈ હતી, જેમાં યુવાઓને પોલિટિકલ ટ્રેનિંગ પણ આપવામાં આવે છે. રાજનેતા માટેના મુદ્દાઓ પણ યુવાઓને શીખવાડવામાં આવે છે. ગુજરાતમાં 6 મહિનથી અખિલ ભારતીય પરિવાર કાર્યરત છે.