અમદાવાદના વાસણામાં ભવાનીનગરમાં મેગા ડિમોલિશન ડ્રાઈવ, 7 મંદિરો તૂટતાં હોબાળો

અમદાવાદ શહેરના રસ્તાઓ પર અને નો પાર્કિંગ ઝોનમાં આડેધડ પાર્કિંગ અંગે ટ્રાફિક પોલીસે લાલ આંખ કર્યા બાદ હવે અમદાવાદ મ્યુનિસિપલ કોર્પોરેશનના એસ્ટેટ વિભાગે દબાણ હટાવ ઝૂંબેશ શરૂ કરી છે. જે અતંર્ગત જાહેર રોડ, રસ્તાઓ અને પાર્કિંગની જગ્યાએ પર કરેલા દબાણો દૂર કરવામાં આવી રહ્યા છે.જેનો પરચો વાસણા વિસ્તારમાં પણ જોવા મળ્યો હતો.

અમદાવાદ: બુધવારે કોર્પોરેશને શહેરના વાસણા વિસ્તારમાં આવેલી ભવાની નગર સોસાયટી ફ્લેટ પાસે મ્યુનિસિપલ કોર્પોરેશનના એસ્ટેટ વિભાગ દ્વારા દબાણ દૂર કરવાની કામગીરી હાથ ધરવામાં આવી હતી.

દબાણમાં આવતાં 7 જેટલા મંદિરો પણ કોર્પોરેશન દ્વારા તોડી પાડવામાં આવ્યાં હતાં. જેના પગલે લોકોમાં રોષ ફાટી નીકળ્યો હતો. લોકોએ રોડ પર ચક્કાજામ કરી અને બસો રોકી દીધી હતી. ઘટનાને પગલે પોલીસ પણ ઘટનાસ્થળે પહોંચી હતી. દબાણોમાં કોર્પોરેશન દ્વારા મંદિરો તોડી પાડવામાં આવતાં સ્થાનિકોએ હોબાળો કર્યો હતો.