અમદાવાદ: 75 વર્ષના વૃદ્ધે નશાની હાલતમાં 7 લોકોને અડફેટે લીધા

અમદાવાદના આશ્રમ રોડ પર આવેલી ગુજરાત વિદ્યાપીઠની બહાર એક વૃદ્ધ ચિક્કાર હાલતમાં દારૂ પીને કાર લઈને નીકળ્યા હતા. આ વૃદ્ધ એટલા બધા નશામાં હતા કે, તેણે એક બાદ એક 7 વાહનોને ઉડાવ્યા હતાં. જેમાં બે લોકોને ગંભીર ઇજા થતાં તેમને સારવાર અર્થે હોસ્પિટલમાં લઈ જવામાં આવ્યા હતાં. જે મામલે પોલીસે ગુનો નોધીને તપાસ હાથ ધરી છે.

• 75 વર્ષના વૃદ્ધે સર્જ્યો અકસ્માત
• 7 લોકોને લીધા અડફેટે
• દારૂ પીધેલી હાલતમાં ચલાવતા હતા ગાડી

અમદાવાદ : શહેરના આશ્રમ રોડ પર આવેલી ગુજરાત વિદ્યાપીઠની બહાર એક વૃદ્ધ ચિક્કાર હાલતમાં દારૂ પીને કાર લઈને નીકળ્યા હતા. આ વૃદ્ધ એટલા બધા નશામાં હતા કે, તેણે એક બાદ એક 7 વાહનોને ઉડાવ્યા હતાં. જેમાં બે લોકોને ગંભીર ઇજા થતાં તેમને સારવાર અર્થે હોસ્પિટલમાં લઈ જવામાં આવ્યા હતાં. જે મામલે પોલીસે ગુનો નોધીને તપાસ હાથ ધરી છે.

કેવી રીતે સર્જાયો અકસ્માતવિદ્યાપીઠ પાસે અકસ્માતની ઘટના જોનાર પ્રત્યક્ષદર્શીના જણાવ્યા અનુસાર હોન્ડા બ્રિયો કાર લઈને એક વૃદ્ધ ઇન્કમટેક્ષથી વિદ્યાપીઠ તરફ આવતા હતા. તેમને વળાંકમાં જ એક પછી એક 7 વાહનોને અડફેટે લીધા હતા. કાર એટલી ઝડપે હતી કે, સૌથી પહેલા એક એક્ટિવા, ત્યારબાદ એક કાર અને રીક્ષા અને ત્યારબાદ બે એક્ટિવાને અડફેટે લીધા હતાં. ત્યારબાદ કાર આગળ જઈને ફૂટપાથ પર ચડી ગઈ અને કાર ઉભી રહી ગઈ હતી.

અમદાવાદ: 75 વર્ષના વૃદ્ધે નશાની હાલતમાં 7 લોકોને અડફેટે લીધા

પોલીસે વૃદ્ધની અટકાયત કરી

કાર રોકાયા બાદ લોકોએ કારના ચાલકને પકડીને માર માર્યો હતો. કેટલાંક ઉશ્કેરાયેલા લોકોએ વૃદ્ધની કારમાં તોડફોડ કરી હતી. હાલ પોલીસે વૃદ્ધની અટકાયત કરીને તપાસ શરૂ કરી છે. અકસ્માતમાં 2 લોકો ઘાયલ થયા હતા. જેમને સારવાર માટે હોસ્પિટલ ખસેડવામાં આવ્યા છે. જ્યારે કેટલાક વાહનોને નુકસાન પણ થયું છે.