અમદાવાદ જિલ્લામાં કોરોના લૉકડાઉન દરમિયાનનું 50 દિવસનું સરવૈયું

લોકડાઉનના વિવિધ તબક્કાઓના આજે 50 દિવસ પૂર્ણ થયાં છે. આ 50 દિવસ દરમિયાન શું થયું...? અને શું કર્યુ...? તે જાણવું રસપ્રદ થઈ પડશે... અમદાવાદ કલેક્ટર કે. કે. નિરાલાએ જણાવ્યું હતું કે, અમદાવાદ જિલ્લાનું સમગ્ર વહીવટી તંત્ર કોરોનાનું સંક્રમણ વધે નહીં તે માટે પ્રયાસ કરી રહ્યું છે. અમદાવાદ જિલ્લામાં અંદાજે ૧ હજાર જેટલા અધિકારીઓ, કર્મચારીઓ કોરોના સેનાનીઓ તરીકે સતત કાર્યરત છે.

અમદાવાદઃ ‘કોરોના’ આ શબ્દએ આખા વિશ્વને હચમચાવી નાખ્યુ છે. આ રોગનું સંક્રમણ વધતું અટકાવવાના સૌથી અસરકારક ઉપાય તરીકે સમગ્ર દેશમાં લોકડાઉન અમલી બનાવાયું છે. લોકો કામ વિના ઘરની બહાર ન નીકળે, અવરજવર ન કરે તેવા આશયથી પ્રથમ લોકડાઉન તારીખ 25 માર્ચથી અમલી બનાવાયું. પ્રથમ તબક્કો તારીખ 25 માર્ચથી 14 એપ્રિલ સુધી જાહેર કરાયો હતો. વધતા કેસ સંદર્ભે બીજો તબક્કો 15 એપ્રિલથી 3 મે દરમિયાન રહ્યો હતો અને તારીખ 4 મે’થી 17 મે’ સુધીનો ત્રીજો તબક્કો હાલ ચાલી રહ્યો છે. અમદાવાદ શહેરમાં ખુબ ચુસ્ત અમલ હોવા છતા રાજ્યના કુલ પૈકી મહત્તમ કેસો અમદાવાદ શહેરમાં નોધાયા છે. શહેરનું આ સંક્રમણ જિલ્લામાં એટલે કે અમદાવાદ ગ્રામ્ય વિસ્તારમાં ન વધે તે માટે અમદાવાદ જિલ્લા વહીવટી તંત્રને રાતદિવસ ખડેપગે કામ કરીને કોરોનાને એક ચોક્કસ લેવલ સુધી અટકાવવા પ્રયત્ન કર્યો છે.

અમદાવાદ જિલ્લામાં કોરોના લૉક ડાઉન દરમિયાનનું 50 દિવસનું સરવૈયું

અમદાવાદ જિલ્લામાં કોરોનાનો પ્રથમ કેસ નોંધાયો ત્યારથી જ વહીવટી તંત્ર હરકતમાં આવી ગયું હતું અને સત્વરે રક્ષાત્મક પગલા લેવા શરૂ કરી દેવાયા હતા.

અમદાવાદ જિલ્લામાં કોરોના લૉક ડાઉન દરમિયાનનું 50 દિવસનું સરવૈયું

અમદાવાદ જિલ્લા વિકાસ અધિકારી અરૂણ મહેશ બાબુએ જણાવ્યું હતું કે, અમદાવાદ જિલ્લામાં સેનીટાઈઝેશન, ગ્રામ યોધ્ધા કમિટી દ્વારા લોકોની અવરજવર નિયંત્રણ કરવી, શહેરોમાંથી આવતાં લોકોનું સ્ક્રિનીંગ, થર્મલ ચેક-અપ જેવા બહુઆયામી પગલા લીધા છે. જિલ્લામાં પોઝીટીવ કેસના સંપર્કમાં આવેલા કુલ 897 વ્યક્તિઓ પૈકી 426 ફેમિલી કોન્ટેક્ટમાં, 400 કોમ્યુનિટી કોન્ટેક્ટ તથા 71 વ્યક્તિઓ હેલ્થ કેર કોન્ટેક્ટનો સમાવેશ થાય છે.179 ગામોના 1,58,592 ઘરના 7,57,483 લોકોને આવરી લઈ સેનિટાઈઝેશન કરાયું છે. શહેરમાંથી ગ્રામ્ય વિસ્તારમાં પ્રવેશતા માર્ગો પરની 8 ચેકપૉસ્ટ પર 1,51,155 લોકોનું સ્ક્રિનીંગ કરાયું છે અને તે પૈકી 27 શંકાસ્પદ વ્યક્તિઓને નજીકની હોસ્પિટલમાં રીફર કરાયા છે. 624 જેટલી ટીમો સર્વેલન્સ માટે કાર્યરત કરી 34,153 ઘરના 1,37151 લોકોનો સર્વે કર્યો છે. જિલ્લામાં મોબાઇલ ટેસ્ટીંગ વાનનો નવતર અભિગમ હાથ ધરાયો છે. આ વાન દ્વારા રોજ 50 જેટલા સેમ્પલ ટેસ્ટ કરવામાં આવે છે, તેવુ તેમણે ઉમેર્યું હતું.

જિલ્લામાં કુલ 2437 વ્યક્તિઓને ક્વોરોન્ટાઈન કરાઈ હતી, તે પૈકી 1603 વ્યક્તિઓએ 14 દિવસનો ક્વોરોન્ટાઈન પિરીયડ પુર્ણ કર્યો છે અને હાલ 834 લોકો ક્વોરોન્ટાઈનમાં છે. ગ્રામ યોધ્ધા કમિટી દ્વારા આજ સુધીમાં 68,863 લોકોનું સ્ક્રિનીંગ કરાયું છે. 4601 વેન્ડર્સનું સ્ક્રિનીંગ કરી 4335 વેન્ડર્સને હેલ્થ કાર્ડ અપાયા છે. 4739 ઈન્ડસ્ટ્રિયલ વર્કર્સનું સ્ક્રિનીંગ કરાયું છે. જ્યારે 70,75,035 આયુર્વેદિક ઉકાળાનું વિતરણ કરાયું છે. અમદાવાદ ગ્રામ્ય વિસ્તારમાં 3191 ઔદ્યોગિક યુનિટ કાર્યરત થયા છે. જ્યારે શહેરી વિસ્તારમાં 965 અને GIDCમાં 1286 મળી સમગ્ર 5442 એકમો કાર્યરત થયા છે. આ એકમોમાં હાલ 31,147 કામદારો કાર્યરત છે. જિલ્લામાં આંતરિક અને જિલ્લા બહાર જે લોકોને જવું અત્યંત જરૂરી હતું તેવા લોકોને ધ્યાનમાં રાખીને કુલ 1,21,778 લોકોને પાસ ઈસ્યુ કરવામાં આવ્યા છે. જેમાં ઔદ્યોગિક હેતુ માટે 31,889 પાસ, બાંધકામ હેતુ માટે 5132 તથા અન્ય રાજ્યમાં જવા માટે 39,057 પાસનો સમાવેશ થાય છે.ઔદ્યોગિક એકમોમાં કામદારોની રોજગારી ચાલુ થાય તેવા આશયથી કાર્યરત કરાયેલા એકમોમાં કામદારોને વેતન પેટે એપ્રિલ માસમાં રૂપિયા 432.27 કરોડ અને મે’ માસમાં અત્યાર સુધી રૂપિયા 76.44 કરોડ પગાર ચુકવાયો છે. જિલ્લામાં અગાઉ શ્રમિકો માટે 49 જેટલા આશ્રય સ્થાન ચાલુ કરાયા હતા, પરંતુ હાલ તમામ પર પ્રાંતિય શ્રમિકોને તેમના વતન મોકલી દેવામાં આવ્યા છે. અત્યાર સુધીમાં 57 ટ્રેન દ્વારા 72,757 શ્રમિકોને તેમના વતન પરત કરાયા છે. જ્યારે આજે (13/05/2020) વધુ 11 ટ્રેન મારફતે 21,811 તેમ કુલ મળી 94,548 શ્રમિકોને વતન પરત મોકલાવામાં આવ્યા છે.

સ્વચ્છતા જાળવવાના ભાગરૂપે જિલ્લામાં નાગરિકોને તેમના હાથ ધોવા માટે 2.18 લાખ સાબુ અપાયા છે. જિલ્લામાં બ્લડ કલેક્શન કેમ્પ યોજીને અત્યાર સુધીમાં 1678 લોકોના બ્લડ લેવામાં આવ્યા છે. પી.એમ રીલીફ ફંડમાં રૂપિયા 4.05 કરોડ તથા મુખ્ય મંત્રીરાહત ફંડમાં રૂપિયા 414 કરોડ આપવામાં આવ્યા છે.

જિલ્લામાં 6 પાક માટે એ.પી.એમ.સી કાર્યરત કરાઈ છે. જેમાં 10,224 ક્વિન્ટલ ઘંઉ, 1289 ક્વિન્ટલ દિવેલા, 38 ક્વિન્ટલ કપાસ, 90 ક્વિન્ટલ ચણા, 1800 ક્વિન્ટલ ડાંગર તથા 30 ક્વિન્ટલ અન્ય પાકોની આવક થઈ છે. શ્રમિકને વતન મોકલવામાં આવ્યા તે પહેલા શ્રમિકો અને અન્ય જરૂરિયાતમંદ લોકોને જિલ્લા વહીવટી તંત્ર તથા સ્વૈચ્છિક સંસ્થાઓના સહયોગથી કુલ 37,89,202 ફૂડ પેકેટ આપવામાં આવ્યા છે, જ્યારે 36,757 કીટનું વિતરણ કરાવામાં આવ્યું છે.

લોકડાઉનનો ચુસ્ત અમલ જિલ્લામાં કરાઈ રહ્યો છે. લોકડાઉનના ભંગ બદલ અત્યાર સુધીમાં 467 લોકોની અટાકાયત કરાઈ છે, 615 વાહનો ડીટેઈન કરાયા છે જ્યારે 411 જેટલી એફ.આઈ.આર નોંધવામાં આવી છે. આમ કુલ 1493 જેટલા ગુના નોંધાયા છે. જિલ્લામાં કાર્યરત કરાયેલા કંટ્રોલ રૂમમાં અત્યાર સુધીમાં 12,372 કોલ રીસીવ કરવામાં આવ્યા છે. જેમાં અન્નને લગતા 2596, રાશનને લગતા 4044, શાકભાજી અને ફળને લગતા 4, ટ્રાન્સ્પોર્ટેશન માટે 4371, દૂધ-કરિયાણા માટે 206, દવાઓ માટે 25, અન્ય તબીબી સહાય માટે 62, વોટર સેનીટેશન તથા અન્ય નાગરિક જરૂરિયાત માટે 51 અને 965 ફરિયાદોનો સમાવેશ થાય છે. અત્યાર સુધીમાં ટ્રાન્સ્પોર્ટેશન માટે 1,15,914 કોલ આવ્યા છે.

જિલ્લામાં NFSA (APL-1 )PHASE-2માં હેઠળ કુલ પૈકી 99,489 લોકોને અનાજ અપાયું છે. જ્યારે NFSA હેઠળ જિલ્લામાં 1,57,931 લોકોને આવરી લેવાયા છે. PMGKY યોજના હેઠળ ગ્રામ્ય વિસ્તારમાં 1,78,170 લાભાર્થિઓ પૈકી 1,62,987 લાભાર્થીઓને અનાજ અપાયુ છે. એટલે કે 91.48 % સિધ્ધી હાંસલ કરાઈ છે. અન્ન બ્રહ્મ યોજના હેઠળ ગ્રામ્ય વિસ્તારમાં 8136 પરિવારોના 27,843 લોકોને તથા ફેઝ-1 માં 10,123 પરિવારોના 41,186 લોકોને લાભાંવિત કરાયા છે. NON NFSA હેઠળ 1,23,394 લોકોને અનાજ વિતરણ કરાયું છે.

જિલ્લામાં 20 વૃધ્ધાશ્રમોમાં 703 વૃધ્ધજનોના આરોગ્યની તપાસ કરવામાં આવી છે. જ્યારે 87 જેટલા ભિક્ષુકોનુ ચેક-અપ કરાયું છે. આજ રીતે બાળસંભાળ ગૃહોમાં 158 બાળકોની મેડિકલ તપાસ કરાઈ છે.