6 મેથી રાજ્યની શાળાઓમાં 35 દિવસનું ઉનાળુ વેકેશન, 10 જૂનથી નવું સત્ર શરૂ

અમદાવાદઃ ગુજરાત રાજ્ય શૈક્ષણિક બોર્ડ દ્વારા પ્રાથમિક શાળાઓમાં ઉનાળુ વેકેશનની જાહેરાત કરી દેવામાં આવી છે. 6 મેથી પ્રાથમિક શિક્ષણ નિયામક દ્વારા વેકેશન જાહેર કરવામાં આવ્યું છે. માધ્યમિક અને ઉચ્ચત્તર માધ્યમિક શાળઓમાં પણ 6 મેથી વેકેશન જાહેર કરવામાં આવ્યું હતું. જેથી રાજ્યની તમામ શાળાઓમાં ઉનાળુ વેકેશન એક સાથે શરૂ થશે.

વેકેશન પહેલા વાર્ષિક પરિક્ષાઓ શરૂ થશે. ખાનગી પ્રાથમિક શાળાઓમાં વાર્ષિક પરિક્ષાઓ શરૂ થઈ ચૂકી છે, જ્યારે બાકીની શાળાઓમાં આ સપ્તાહમાં પરિક્ષાઓ શરૂ થશે. સરકારી પ્રાથમિક શાળાઓમાં 8 એપ્રિલથી પરિક્ષાઓ શરૂ થશે તેવી જાહેરાત કરી દેવામાં આવી છે. ધોરણ 9 અને 11ની પરિક્ષાઓ પણ 8 એપ્રિલથી જ શરૂ થશે. આમ એપ્રિલ મહિનામાં રાજ્યની તમામ શાળાઓમાં પરિક્ષાઓ પૂર્ણ થઇ જશે.

ડિઝાઈન ફોટો

પરિક્ષાના માહોલમાં શાળા નિયામક દ્વારા પરિપત્ર જાહેર કરી ઉનાળુ વેકેશન અંગે જાહેરાત કરી દેવામાં આવી છે. 6 મે થી 9 જૂન દરમિયાન ઉનાળુ વેકેશન રહેશે. આમ 35 દિવસનું ઉનાળુ વેકેશન બાદ 10 જૂનના રોજ નવા શૈક્ષણિક સત્રની શરૂઆત થશે.