સમગ્ર વિગત અનુસાર સુરતમાં ફરિયાદીનો સરકારી અનાજનો ટ્રાન્સપોર્ટ અને લેબર કોન્ટ્રાકટ ચાલતો હતો જેના બીલના નાણાં મંજુર કરવાની સત્તા ગુજરાત રાજ્ય નાગરિક પુરવઠા નિગમ લિમિટેડના નાયબ મેનેજર અશોક સુચકને હતી.
લાંચ લેતા કર્મચારી ઝડપાયા
બિલ મંજુર કરવા ગેરકાયદેસર રીતે 85, 000 રૂપિયા ટુકડે ટુકડે મદદનીશ ગોડાઉન મેનેજર રસિક પટેલની મદદથી લીધા હતા. આ ઉપરાંત ફરિયાદી પાસે બંને આરોપીઓએ વધુ 20,000ની માંગણી કરી હતી જે ફરિયાદી આપવા માંગતા નહોતા માટે એસીબીનો સંપર્ક કર્યો હતો જેના આધારે એસીબીએ છટકું ગોઠવ્યું હતું અને રસિક પટેલને લાંચ લેતા ઝડપી લીધા હતા સાથે જ અશોક કુમાર સુચકને પણ ઝડપી લીધા હતા. બંને આરોપીઓને ઝડપીને એસીબીએ આગળની કાર્યવાહી હાથ ધરી છે.
